Ritröð Guðfræðistofnunar - 01.01.2012, Side 30

rúmaðist ekki innan ramma starfssviðs þess að bregðast við ásökunum
hennar á hendur föður hennar. Þá segir í bréfinu að fagráðið hafi síðan
endurskoðað verklag sitt í ljósi reynslunnar. Bréf fagráðs sem undirritað er
af formanni þess, hljómar svo:
Kæra Guðrún Ebba
Fyrir hönd fagráðs kirkjunnar um meðferð kynferðisbrota vil ég biðja þig
afsökunar á því að hafa brugðist þér með því að styðja þig ekki og leiðbeina
sem skyldi á árunum 2008-2010. Við tökum við réttmætum ábendingum
skýrslu rannsóknarnefndar kirkjuþings sem finnur að því að við höfum ekki
átt frumkvæði að því að styðja þig er þú varst að koma fram með mál þitt
og óska áheyrnar hjá kirkjuráði.
Við horfðum of þröngt á óljóst gildissvið reglna okkar. Við festum okkur
í því mati okkar að úr því að við hefðum ekki farveg til inngripa í mál þitt
þá gætum við ekki sinnt því. Reynsla starfs okkar hefur hins vegar áréttað
fyrir okkur hve mikið gildi liggur í því að heyra og virða jafnvel þá þegar
við eigum enga von um úrlausn í máli þolanda gagnvart geranda kynferðis-
brots. Þar brugðumst við þér Guðrún Ebba og biðjumst afsökunar á því.
Við höfum nú breytt vinnulagi okkar svo að við heyrum nú öll mál sem til
okkar berast, göngum inn í glímu þjáningar þeirra sem okkur er trúað fyrir
og reynum að taka okkur stöðu þar við hlið þeirra sem brotið hefur verið á.
Það er ekki auðvelt en það er verkefni okkar.
Um leið og ég kem þessari afsökun okkar á framfæri þá vil ég þakka þér
og þeim konum sem borið hafa hita og þunga af þeim málum sem rann-
sóknarnefnd kirkjuþings hefur haft til meðferðar fyrir staðfestu ykkar og
heiðarleika. Þó þú, Guðrún Ebba, hafir ekki notið þeirra breytinga sem
við höfum gert á starfi fagráðs þá eigum við þér mikið að þakka að þær
eru orðnar. Það er ekki síst vegna þíns máls sem við höfum endurskoðað
vinnulag okkar og breytt svo sem hér er að ofan lýst.
Við hlökkum svo til að fá að eiga samstarf við þig varðandi komu Marie
M. Fortune hingað til lands nú í haust og þökkum þér fyrir að hafa haft
frumkvæði af heimsókn hennar. Það verður spennandi að fá að njóta hennar
á ráðstefnum og fundum 18.-20. október n.k.
Reykjavík 15. júní 2011
Virðingarfyllst,
Gunnar Rúnar Matthíasson
formaður fagráðs um meðferð kynferðisbrota
innan þjóðkirkjunnar.46
Heimsókn dr. Marie Fortune í október 2011, sem formaður fagráðs nefnir
í niðurlagi bréfs síns, reyndist mjög mikilvægur þáttur í úrvinnsluferlinu
46 http://kirkjan.is/2011/06/fagrad-bidur-gudrunu-ebbu-olafsdottur-afsokunar/
28
J