Ritröð Guðfræðistofnunar - 01.01.2012, Qupperneq 31

í kjölfar útkomu rannsóknarskýrslunnar. Fortune er stofnandi og veitir
forstöðu FaithTrust Institute í Seattle í Washington-fýlki í Bandaríkjunum og
einn helsti sérfræðingur um meðferð kynferðisbrota innan trúarsamfélaga í
heiminum í dag.47 Mikill áhugi var á heimsókn hennar og fullt út úr dyrum
á málþingi í hátíðarsal Háskóla Islands þar sem hún var aðalræðumaður.48 Þá
var mjög góð þátttaka á námskeiði um forvarnir og viðbrögð við kynferðis-
legri misnotkun í samhengi kirkju og trúfélaga sem haldið var í Neskirkju
daginn eftir.49 Með sanni má líta á heimsókn dr. Fortune sem viðbrögð
við ákalli Rannsóknarnefndar Kirkjuþings eftir aukinni fræðslu um eðli
og afleiðingar kynferðisbrota. Sú athygli sem boðskapur dr. Fortune fékk
í fjölmiðlum gaf líka þýðingarmikil skilaboð út í samfélagið um viðbrögð
kirkjunnar við niðurstöðu rannsóknarinnar.
Kirkja á vegferð
Asakanir um kynferðisbrot vígðra þjóna hafa sett mark sitt á starf íslensku
þjóðkirkjunnar frá því snemma árs 1996. Samþykkt starfsreglna um meðferð
kynferðisbrota innan kirkjunnar á Kirkjuþingi haustið 1998 og skipun
fagráðs í framhaldi af því markar upphaf ákveðinnar vegferðar. Markmið
þessarar vegferðar er skýrt, nefnilega að tryggja öryggi þeirra sem tilheyra
kirkjunni. Á undanförnum fjórtán árum hafa starfshættir verið að þróast og
fagráð kirkjunnar hefur lagt sig fram við að uppfæra starfsreglur og verklag
í ljósi fenginnar reynslu. Skýrsla Rannsóknarnefndar Kirkjuþings er eins
konar stöðumat og gefur (að mestu leyti rétta) mynd af því hvernig til hefur
tekist, en einnig gagnleg ráð um það hvernig við komumst að settu marki.
Kynferðisbrot starfsmanna kirkjunnar hafa valdið mörgum vonbrigðum,
sem m.a. má sjá á fjölda úrsagna úr kirkjunni á liðnum árum. Þannig voru
úrsagnir úr kirkjunni í sögulegu hámarki í ágúst 2010 þegar umræðan um
mál Guðrúnar Ebbu var mjög áberandi í fjölmiðlum.50 Auðvitað segja þessar
tölur ekki alla söguna, en þær ættu engu að síður að brýna kirkjuna til dáða.
í þessu samhengi er mikilvægt að kirkjan staldri við og hugi að stöðu sinni
og hlutverki. Samkvæmt evangelísk lútherskum kirkjuskilningi er kirkjan
47 Sjá: http://www.faithtrustinstitute.org/about-us
48 http://www.hi.is/frettir/fjolmenni_a_erindi_dr_marie_fortune
49 http://neskirkja.is/20ll/10/kynfer%C3%B0isleg-misnotkun-og-rett-vi%C3%B0brog% C3%B0-
i-kirkj u-og-trufelogum/
50 http://www.pressan.is/Frettir/Lesafrett/miklar-ursagnir-ur-thjodkirkjunni-vegna-biskupsmalsins
—taep-3000-sneru-baki-vid-henni-i-ar
29