Orð og tunga - 01.06.1990, Side 21

Ávarp við ráðstefnulok
xix
bók er greinir frá tíðni orða í nútímaíslensku og þá ekki hvað síst tíðni einstakra
beygingarmynda. Þetta verkefni nýtur nú sérstaks styrks frá menntamálaráð-
herra í tengslum við málræktarátakið. Hér er því engum blöðum um það að
fletta að Orðabókin hefur haft verulegan fræðilegan ávinning af samstarfinu við
IBM.
Agætu ráðstefnugestir!
Þessi ráðstefna er haldin til að minnast 5 ára afmælis samstarfs IBM og Orðabók-
ar Háskólans. Mér þykir við hæfi að ég, fyrir hönd Orðabókar Háskólans, þakki
IBM á Islandi og starfsmönnum þess fyrirtækis ágæta samvinnu í hvívetna. Mér
er einnig ljúft að þakka fvrirlesurum í dag fyrir fróðleg erindi og ráðstefnustjóra
ágæta fundarstjórn. Síðast en ekki síst vil ég þakka starfsfólki þýðingastöðvar-
innar fyrir framlag þess til þessarar ráðstefnu og ekki síður fyrir vandvirkni í
starfi. Á starfi þess og árangri byggist það orð sem fer af þýðingum Orðabókar
Háskólans.