Orð og tunga - 01.06.1990, Side 64

42
Orð og tunga
Ég hef nú farið almennum orðum um vanda bókmenntaþýðandans, eins og
hann kemur mér fyrir sjónir. Þó er ein tegund slíkra þýðinga, sem ég hef hvergi
vikið að, vegna þess að ég ber ekki á hana skynbragð, og það er þýðing texta við
sjónvarpsmyndir. Það er einnig vandasamt starf, þar sem krafist er styttingar án
þess að frummerking glatist. Mér skilst að þessar þýðingar séu ekki á dagskrá
hér. En um þær mætti halda sérstaka ráðstefnu.