Ráðunautafundur - 20.02.1996, Blaðsíða 69
61
Net- og gaddavírsgirðing - Hvalfjörður
Um er að ræða girðingu með fimm strengja neti, einum gaddavírsstreng neðan við net og
tveimur ofan við net. Notaðir eru járnstaurar með 8 m millibili, og ein trérengla á milli staura.
Hornstaurar eru járnrör sem rekin voru niður og stög voru grafin niður. Girðingin stendur í
norðurhlíð Reynivallaháls í sunnanverðum Hvalfirði. Um það bil helmingurinn er á gömlum
aflögðum þjóðvegi, en hinn helmingurinn er á ósléttu, bröttu, blautu og giljóttu landi sem var
mjög erfitt yfirferðar. Fjórir vanir menn áttu þátt í að vinna verkið, en að lang stærstum hluta
var það þó unnið af tveimur mönnum, og voru aldrei vinnumældir fleiri en tveir í einu.
Búið var að jafna girðingarstæðið með jarðýtu þar sem þurfti og er sá tími sem fór í það
ekki með í vinnumælingunni. Á sama hátt og í rafgirðingunni er ekki heldur tekinn með tími
sem fer í mat og kaffi, að koma sér á staðinn að morgni og heim að kvöldi, ákveða girðingar-
stæði, útvega efni og flytja á staðinn, og gera efnis- og kostnaðaráætlanir.
Vélavinna var ekki mæld sérstaklega, en þeir sem unnu verkið höfðu til afnota litla
beltagröfu og kerru aftan í hana undir efni. Þeir gátu í einni ferð dregið út og strekkt net og
gaddavír, rekið niður staura og hornstaura (með gröfunni), og grafið niður stög.
Niðurstöður
Vinna við uppsetningu rafgirðinga er sýnd í 1. töflu. Vinna mælist að meðaltali nokkru minni
á hvern km en í eldri mælingum, en munur á milli girðingarhluta er þó verulegur, sem má að
miklu leyti skýra með þeim mun á aðstæðum sem áður er greint frá og lesa má út úr töflunni,
þ.e.a.s. fjöldi siga og undirgirðinga og hlutfallslegur fjöldi hornstaura.
1. tafla. Niðurstöður vinnumælinga við uppsetningu rafgirðinga.
Nr. 1 Nr. 2 Alls pr/km
Magntölur
Lengd,m 1453 4160 5613
Fjöldi staura, stk 89 268 357 64
Fjöldi rengla, stk 190 535 725 129
Fjöldi hornstaura 5 10 15 2,7
Fjöldi siga, stk 16 28 44 7,8
Fjöldi undirgirðinga 1 0 1 0,2
Vinna við uppsetningu
Vinna alls, mannmín. 2963 5520 8483 1511
Vinna alls, mannklst. 49,4 92,0 141,4 25,2
Skipting tíma í einstaka verkþætti í girðingarhluta nr. 1 er sýnd í 2. töflu. í töflunni eru
verkþættirnir settir í nokkra flokka til að sýna grófa skiptingu aðalþátta verksins. Þeir þættir