Tímarit Máls og menningar - 01.06.2009, Page 138

Á d r e p u r
138 TMM 2009 · 2
Úlfar Þormóðsson
Bréf til dómara
Ég, rétt eins og mestöll þjóðin, hef dálæti á þér, Jón Yngvi Jóhannsson, og fylg-
ist spenntur með þegar þú tjáir þig um bókmenntir; þú ert þannig. Þetta veistu.
Það var dýrðartíð þegar þú komst inn í stofurnar okkar og hraðdæmdir bækur
á báðar hendur með brosi á vör og sagðir okkur allt um þær á örskotsstundur
og forðaðir okkur frá því að kaupa eitthvert rusl. En nú hefur þú verið fjarver-
andi lengi. Það var því þakkarvert að þú skyldir láta ljós þitt skína í nýjasta
hefti Tímarits Máls og menningar sem nú er gefið út af Forlaginu. Og það var
ánægjulegt að lesa það eftir þér að þú skyldir hafa verið frjáls í haust og vetur
sem leið og gott að vita að þú gast lesið jólabækurnar óháður tískusveiflum og
útgefendum. Og ekki brástu okkur, aðdáendum þínum; skrifar í frelsinu ljóma-
grein um vetrarlestur þinn á íslenskum skáldsögum og dæmir þær, óháður
öllu, líka snobbinu. Ég er sannfærður um að með þessu tókst þér að festa rætur
í gáfumannafélaginu. Til lukku með það. Þar áttu heima.
Langlundargeð
Greinin þín er svo innihaldsrík að ég þurfti hvað eftir annað að leggja hana frá
mér til þess að meðtaka boðskapinn. Af þessum sökum treysti ég mér ekki til
þess að fjalla um hana í heild, aðeins þann þátt sem lýtur að skáldsögu minni
um séra Hallgrím Pétursson. Ég veit að þú skilur þetta af viti þínu og mann-
þekkingu þegar ég reyni nú að rekja mig eftir skrifum þínum. Áður vil ég þó
þakka þér fyrir að ljúka lestri á Hallgrími en leggja hann ekki frá þér eins og þú
segist hafa gert með ýmsar bækur á tíma frelsisins. Þú sýndir langlundargeð
því að það er greinilegt að þér líkaði ekki sagan. Það er eins og það er og ekkert
við því að gera. En þú vilt kenna mér. Það verður ómetanlegt. Fyrir það er ég
þakklátur og vil að þú vitir það áður en þú lest lengra.
Mannamunur
Þú segir á einum stað í umsögn þinni: „… stíllinn og frásagnaraðferðin rísa
ekki undir efninu.“ Þetta skil ég ekki án rökstuðnings og leiðbeininga. Sá er
munurinn á mér og þér því að auðvitað skilur þú þetta. Annars hefðir þú ekki
skrifað það. Og núna, þegar ég rita þetta eftir þér, átta ég mig ekki enn á því
hvað í orðunum fellst. En það er ekki við þig að sakast í þessu efni fremur en
öðru og ég er viss um að þú ert til í að skýra þetta síðar á alþýðumáli svo að ég
átti mig á innihaldinu og bæti mig.
Uppgötvun
„Hallgrímur Úlfars er býsna nútímalegur í hugsun, hann efast mjög í trúmál-
um, er gagnrýninn á kirkjustjórnina og ríkjandi guðfræði.“ Þetta er hárrétt hjá
TMM_2_2009.indd 138 5/26/09 2:05:00 PM