Tímarit Máls og menningar - 01.09.2011, Síða 126

Í s l a n d s v i n a m i n n s t
126 TMM 2011 · 3
Þess verður ugglaust langt að bíða að
út komi á rússnesku mikil bók um
íslenska tungu.
Tilvísanir
1 Eina þýðingin sem mér er kunnugt um, er
á tékknesku: „Současné germánské jazyky“,
2002.
2 Þessum hræðilega tíma er vel lýst í smásögu
M. I. Steblin-Kamenskijs „Dreki“ sem birtist
í Skírni vorið 1992.
3 Tilvitnunin er úr handriti Valerijs að sjálfs-
ævisögu sem hann var byrjaður að rita á
norsku: «Vår bestjålne generasjon».
4 Sjá t.d. M. I. Steblin-Kamenskij 1903–1981.
Skírnir 166. árg., vor 1992, bls. 156–159.
5 Sjá „A Modern Bilingual Dictionary –
Results and Prospects“. Budalex’88 proceed-
ings. Papers from the Euralex Third Inter-
national Congress Budapest, 4–9 September
1988.
6 Skírnir. Haust 1995. „Niðjar Óðins, hetjur
og skáld“, og Skírnir. Vor 1998. „Norðan við
kalt stríð“. Það er freistandi að láta fylgja
kafla úr seinni greininni til áréttingar: „Sú
skoðun nær að breiða úr sér þar eystra að
Íslendingar séu fágæt skáldskaparþjóð á háu
menningarstigi, dugnaðarfólk sem hefur
sigrast á óblíðri náttúru og ýmislegri sögu-
legri óheppni. Þetta tvennt, ásamt sjálfri
smæð þjóðarinnar, er yfirleitt talið nægja
til að draga mjög úr því sem Sovétmönnum
fannst sér annars skylt að andskotast út í
þegar þeir fjölluðu um vestræn ríki. Það má
sjá furðu mörg dæmi um það, að sitthvað er
á Íslandi talið Rússum til fyrirmyndar …“
(bls. 55).
7 Sjá Berkovsbók, afmælisrit í tilefni af 65 ára
afmæli Berkovs. Impeto publishers. Moscow
1996.
Árni Tómas Ragnarsson
Wolfgang Wagner
– minning
Ég átti því láni að fagna að kynnast
meistara Wolfgang Wagner, stjórnanda
Wagnerhátíðarinnar í Bayreuth, sem lést
nú í vor tæplega níræður að aldri. Hann
var ekki aðeins barnabarn hins mikla
tónskálds, Richards Wagner, heldur
einnig stjórnandi Wagnerhátíðarinnar
lengur en nokkur annar, eða frá 1951 til
2007. Hátíðin er ekki aðeins sú elsta og
virtasta af tónlistarhátíðum heims, held-
ur einnig sú eftirsóttasta, en um þessar
mundir mun það taka venjulegan mann
um 10 ár að fá miða á hátíðina!
Wolfgang Wagner var um margt merki-
legur maður. Hreint líffræðilega var
hann t.d. mjög sérstakur af því að hann
gat státað af því að hafa átt afa sem var
fæddur árið 1813 og var þar að auki
heimsfrægur! En það var ekki fyrir hið
líffræðilega, sem Wolfgangs Wagner
verður helst minnst, heldur fyrir það
hvernig hann tók við og tókst að halda
hátt á lofti stórkostlegri listrænni arf-
leifð afa síns og hvernig honum í gegn-
um hvers konar stórsjóa og brim tókst
að landa þeirri arfleifð í örugga höfn
skömmu fyrir dauða sinn.
Bayreuth – Mekka
Wagneraðdáenda
Ég var orðinn harðfullorðinn þegar ég
smitaðist af Wagner. Um 35 ára gamall
sá ég Niflungahring hans í uppfærslu frá
Bayreuth sýndan á myndbandi með
textum og gekk þá meistaranum strax á
hönd. Síðan var ekki aftur snúið, ég
hlustaði, las og talaði helst aðeins um
það sem að Wagner sneri næstu árin.