Tímarit Máls og menningar - 01.03.2013, Page 93

Æ v i n t ý r i L í s u í U n d r a l a n d i 15 0 á r a
TMM 2013 · 1 93
við vitum að hann hefur auðgað bernsku margra
ungra meyja. Um það hafa þær sjálfar borið vitni
í viðtölum og eigin bókum. Dodgson umgekkst
telpurnar með virðingu, hlustaði á þær, sagði
þeim ævintýri, teiknaði, skrifaði þeim bréf (mörg
þeirra hafa varðveist), spilaði við þær (samkvæmt
eigin reglum) og kenndi þeim stærðfræði ánþess
þær tækju eftir því. Ekkert bendir til að hann hafi
á nokkurn hátt umgengist ungar vinkonur sínar
með ótilhlýðilegum hætti.
Til dauðadags bjó Dodgson í Christ Church og
lést árið 1898 úr inflúensu 68 ára gamall.
Eftirminnilegur dagur
Föstudagurinn 4. júlí 1862 var hlýr og sólríkur í Oxford. Meðfram ánni Isis
gufaði úrhellisrigning gærdags ins uppúr grasinu. Regnskömmin hafði frestað
bátsferðinni um dag. Annars voru fimmtudagar miklu betri, því þá var leyft að
hafa með sér nesti til að snæða á landareigninni Nuneham neðar við ána.
Við Folly Bridge stóð Dodgson í ljósum flónelsfötum með stráhatt á höfði
og var að velja af meðfæddri nákvæmni milli bátanna sem falir voru. Hann
var feiminn og hlédrægur. Einsog sjö systur hans og þrír bræður stamaði
hann. Aukþess var hann örvhentur, en hafði verið þvingaður til að skrifa
með hægri hendi.
Hinn maðurinn við bátana var Robinson Duckworth, jafnaldra félagi
Dodgsons. Hann hélt á nestiskörfunni, sem hafði að geyma kjúkling, salat,
gómsætar kökur og að sjálfsögðu te.
Í hópnum voru einnig þrjár ungar dætur Liddells rektors: Lorina 13 ára,
Alice 10 ára og Edith 8 ára. Allar voru þær klæddar áþekkum hvítum kjólum.
Harry bróðir þeirra var ekki með þann daginn og ekki heldur neitt af syst-
kinum Dodgsons. Stúlkunum þótti skemmtilegra að hafa hinn léttlynda
Duckworth í hópnum.
– Gott að Harry er ekki með, sagði Lorina. Því þá verður ekkert argaþras.
Sennilega var Dodgson sama sinnis. Í rauninni hafði hann engan áhuga
á ungum drengjum né heldur fullorðnu fólki, ef útí það var farið. En í hópi
ungmeyja var hann í essinu sínu, ánægður og afslappaður. Og af öllum
krökkum í vinahópnum var Alice draumadísin, fallegasta barn sem hann
hafði augum leitt, hnarreist og skörp. Bara verst að hún átti eftir að vaxa úr
grasi og verða smámsaman fullorðin …
Telpurnar hoppuðu niðrí bátinn. Dodgson hafði kennt þeim að róa létt og
leikandi ánþess að sletta, en í dag lögðust þeir Duckworth einnig undir árar.
Aukþess var ætlunin að róa góðan spöl uppeftir ánni. Alice var falið það
göfuga verkefni að sjá um stýrið.
Charles Lutwidge Dodgson.