Tímarit Máls og menningar - 01.09.2015, Qupperneq 79

TMM 2015 · 3 79
Markús Már Efraím
Dave Eggers
Dave Eggers fæddist árið 1970 í Boston en fluttist ungur með fjölskyldu sinni
í úthverfi Chicago. Hann lagði stund á háskólanám í blaðamennsku en hætti
námi þegar hann missti báða foreldra sína úr krabbameini með mánaðar
millibili áramótin 1991–2 og þurfti að ganga
átta ára bróður sínum í föðurstað. Í kjölfarið
flutti hann með bróður sinn til Kaliforníu og hóf
tímaritaútgáfu.
Hér lýkur hefðbundnum hluta greinarinnar. Dave
Eggers er hvorki hefðbundinn rithöfundur (eru til
hefðbundnir rithöfundar?) né hefð bundinn ein-
staklingur (það eru klárlega ekki til hefðbundnir
einstaklingar) og því væri ómögulegt að gera
honum skil með hefðbundinni grein. Lífshlaup
hans er stórmerkilegt og enginn er betur til þess
fallinn að segja frá því en hann sjálfur, sem hann gerði með fyrstu bók sinni
A Heartbreaking Work of Staggering Genius (2000), og greinarhöfundur hefði
helst viljað láta allan texta bókarinnar fylgja með sem neðanmálsgrein1.
Fyrstu kynni margra Íslendinga, þar á meðal greinarhöfundar, af Dave
Eggers voru í gegnum bókmenntatímaritið Timothy McSweeney‘s Quarterly
Concern2 sem hann hóf að gefa út árið 1998 og var lengi vel prentað á
Íslandi. Tímaritið og útgáfufyrirtækið McSweeney’s brutu bókstaflega blað
í tímarita- og bókaútgáfu með nýstárlegu og síbreytilegu umbroti og bóka-
hönnun og hafa laðað að sér marga af virtustu rithöfundum heims. Útlitið
hefur þó aldrei verið á kostnað innihaldsins og jafnvel höfundaréttarupp-
lýsingar eru hin mesta skemmtilesning enda ritaðar í sjálfvísandi og með-
vituðum stíl Eggers, sem er allt að því manískur í hreinskilni sinni.
Tengsl útgáfunnar við Ísland náðu lengra en í framleiðslu3. Fimmtánda hefti
tímaritsins, Íslandsheftið, innihélt efni eftir marga fremstu höfunda Íslands og
útgáfan stóð fyrir fyrstu íslensku kvikmyndahátíðinni í San Fransisco.
Eftir að hafa slegið í gegn með A Heartbreaking Work of Staggering Genius
hefur Eggers skrifað fjölda bóka sem greinarhöfundur getur því miður ekki