Heilbrigðisskýrslur - 01.12.1941, Side 118

11(5
sem flutt var frá Langeyri í Álftafirði. Fjöldi herbergja og stærð í
metrum er sem hér segir: 1 borðstofa, 8,4X7,0X3,0. 16 íbúðarher-
bergi, hvert að stærð 3,25X4,0X2,6. Gangar eru 4, samtals 30X1.5X2.6.
Snyrtiherbergi eru 2, hvort 1,5X2,6 með 3 þvottaskálum og 2 vatns-
salernum i hverju. Engir miðstöðvarofnar eru í húsinu. Heitt hvera-
A'atnið er leitt í rásum undir gólfinu. Er það algerð nýlunda, sem ekki
er víst, hvernig muni reynast. Virðist valda miklum raka í herbergj-
um, og gólfum hættir við að springa.
Hesteyrcir. Litlar endurbætur hafa farið fram á skólastöðum, nema
síður sé. Eina vatnssalernið (í skólahúsi Hesteyrar) orðið ónothæft
vegna frosta, og því verður ekki komið upp á næstunni.
Blönduós. Skólastaðir eru víða ekki eins góðir og' skyldi, því að
sums staðar verður að kenna í íbúðarherbergjum. Þó er þrifnaður
víðast í sæmilegasta lagi. Á Skagaströnd var skólahúsið orðið lítt við-
unandi, en því hefur verið breytt, skólastofan stækkuð að mun, og
má vel við það una um sinn.
Sauðárkróks. Um skólastaði sama að segja sem fyrr, að þeir eru
margir hverjir illa viðunandi. Á Sauðárkróki var tekið upp það ný-
mæli að framkvæma lúshreinsun á lúsugum börnum. Mæltist það
misjafnlega fyrir, en von mín er sú, að heimilin reyni hér eftir að
líta betur eftir þrifnaði barna.
Ólafsfj. Tallquist sýndi að jafnaði mun hærri haemoglobínprósent
cn árið áður, eða sem hér segir: 1 barn hafði 60%, 4 65%, 52 70%
og 1 80%. Holdafar: Feit töldust 21, í meðalalgi 84 og grönn (frekar
mögur) 30. Útlit: Hraustleg 23, í meðalagi 74 og fölleit 38. Meðal-
hæðarauki í eitt ár reyndist svipaður og verið hefur, eða 5,1 sm. En
nú er meðalþyngdaraukinn mun meiri, eða 3,5 kg móts við um 2 kg
undanfarin ár. Hver skyldi orsökin vera? Áreiðanlegt er, að sökum
hins bætta efnahags hefur fólkið getað veitt sér mun betra fæði heldur
en undanfarin ár og hefur gert það. Ekki má heldur gleyma hinu
g'óða sumri. Meðalhæðarauki í 6 mánuði af skólatíma reyndist vera
2 sm, en meðalþyngdaraukinn á saina tíma 1,0 kg, og er það svipað
og verið hefur. í þetta sinn koma því tæplega V- hlutar af þyngdarauk-
anum á 6 mánuði skólatímans, í stað þess að áður kom allur þyngdar-
aukinn á árinu á þann tíma. Engar endurbætur hafa farið fram á
harnaskólanum. Þrengslin verða æ tilfinnanlegri og stórversnar á
næsta skólaári. Til úrbótar var leigður salur góðteinplara til kennslu,
en er að ýmsu leyti ekki vel til þeirrar notkunar fallinn. Skólaborð
og bekkir eru úr sér gengin, og verður sennilega ráðin bót á því fyrir
næsta skólaár.
Akureyrar. Skólalæknir barnaskólans á Akureyri var eins og' árið
áður héraðslæknirinn. Var hann til viðtals í skólanum á þriðju-
dögum og föstudögum að minnsta kosti klukkutíma í einu, athugaði
þá þau börn, er þess þurftu með, og leiðbeindi foreldrum um hrein-
læti og annað börnum viðkomandi. Hjúkrunarkona skólans starfaði
i skólanum allan daginn að hreinlætiseftirliti, hirðingu barnanna,
lýsis- og' mjólkurgjöfum o. fl. Sérstök kona gætti ljósalampa þeirra,
sem skólinn hefur yfir að ráða, og barnanna, er ljóslækninga nutu.