Heilbrigðisskýrslur - 01.12.1941, Side 126

124
skilið verði bráðlega á milli. Augu manna eru meira og meira að
opnast fyrir víðtækari heilsuvernd, og' hvi má ekki liafa lieilbrigðis-
fulltrúann í þeim störfurn. Engar þekkingarkröfur hafa mér vitan-
leg'a verið gerðar til þess starfs, en þær verður að heimta til þess að
fyrirbyggja, að liér verði eftirleiðis um ,,bitling“ að ræða, heldur
verði um að ræða nytjastarf. Þyrfti þá að sjálfsögðu að launa starfið
betur en gert hefur verið. Hygg ég, að tiltækilegast og affarasælast
verði að fá sérmenntaða hjúkrunarkonu til þessa starfs, og gæti hún
þá um leið starfað að víðtækari heilsuvernd. Hún yrði kauplægri en
karlmaður með sams konar þekkingu og sízt minna skeytt umbóta-
tillögum hennar en karlmanns. Vænti ég, að hér verði breyting á til
batnaðar upp úr stríðinu.
20. Bólusetningar.
Tafla XX.
Skýrslur og reikningar um bólusetningar hafa borizt úr öllum hér-
uðum nema 10 (Hafnarfj., Álafoss, Reykhóla, Hólmavíkur, Blöndu-
ós, Hróarstungu, Fljótsdals, Norðfj., Hornafj. og Keflavíkur), og nmnu
þær yfirleitt hafa fallið niður í þeirn héruðum. Ná skýrslurnar til 2090
frumbólusettra og 2267 endurbólusettra barna. Kom bólan úr á 55%
hinna frumbólusettu og 57% hinna endurbólusettu.
Að öðru leyti Iáta læknar þessa getið:
Bíldudáls. Nokkur börn fengu talsverðan hita, en engin veiktust
alvarlega.
Flateyrar. Bólusetning féll niður í Flateyrarhreppi vegna veikinda
Ijósmóður.
Ögur. Bólusetningar fóru fram i öllu héraðinu í ár. Virðist árangur
mjög misjafn. í Súðavíkuhreppi voru 49 börn frumbólusett, og kom
bólan aðeins út á einu.
Hesteyrar. Undanfarin ár hefur verið einhver tregða á bólusetn-
ingu, en nú er bólusett í öllum 4 umdæmum. Ljósmæður kvarta um,
að bóluefni hafi sennilega verið að mestu leyti „dautt“.
Blönduós. Bólusetningar féllu að mestu niður vegna farsótta. Þó
munu öll fermingarbörn hafa verið bólusett, þau, er ekki höfðu verið
það áður.
Sauðárkróks. Bólusetning féll niður í 2 umdæmum, í öðru vegna
vanrækslu ljósmóður.
Svarfdæla. Bólusetningar fóru fram í öllum hreppum með venju-
Iegum hætti. Börn veiktust venju fremur af bólunni.
Höfðahverfis. Bólusett var hér síðast liðið haust. Kom bólan mjög
illa út.
FáskrúðsJj. Bólusetning l'ór fram í öllu héraðinu. Ekkert barn-
anna veiktist alvarlega, en sum fengu hitasnert.
Berufj. Fóru fram alls staðar nema þar sem veikindi hömluðu.
Grímsnes. Bólusetning fór fram að nokkru levti. Þó mun hún hafa
fallið alveg' niður í sumum umdæmunum.