Þjóðmál - 01.09.2015, Síða 7

ÞJÓÐMÁL hausthefti 2015 5
Kveðjuorð
Það er með blendnum huga sem ég skrifa þessi fátæklegu
kveðjuorð til lesenda Þjóðmála. Margir þeirra hafa verið
dyggir áskrifendur allt frá því að fyrsta hefti ritsins kom út
haustið 2005 — og sumir orðið símavinir ritstjórans. Ég mun
sakna þeirra og ekki síður samskiptanna við hinn fjölmenna og
fjölbreytta hóp sem skrifað hefur í Þjóðmál á undanförnum tíu
árum. En allt hefur sinn tíma. Nú er rétti tíminn í mínum huga að
söðla um og sleppa hendinni af þessu barni mínu. Væntanlega
kunna lesendur líka vel að meta nýjar og ferskar áherslur í
ritstjórninni. Nýr útgefandi og ritstjóri Þjóðmála, Óli Björn
Kárason, stofnandi og fyrrverandi ritstjóri Viðskiptablaðsins, er
þaulreyndur blaðamaður með ódrepandi áhuga á stjórnmálum.
Það er gott að vita af Þjóðmálum í hans höndum. Að svo mæltu
þakka ég lesendum kærlega samfylgdina.
Jakob F. Ásgeirsson
Jakob bætti við:
„Tímaritinu Þjóðmálum er ætlað að verða vettvangur
fyrir frjálshuga fólk sem er orðið þreytt á yfirborðslegri
og einhliða fjölmiðlun um stjórnmál og menningu.
Ritstjórnarstefnu Þjóðmála er að öðru leyti best lýst
með orðunum: frelsi og hæfilegt íhald.“
Það þarf úthald og þrautseigju til að halda úti
tímariti í áratug líkt og Jakob F. Ásgeirsson hefur gert
og það með jafn glæsilegum hætti og raun ber vitni.
En þar hafa einnig margir lagt hönd á plóg og gert
það mögulegt að halda útgáfunni áfram í föstum
skorðum.
Fyrir nokkru ákvað Jakob F. Ásgeirsson að draga sig
í hlé frá útgáfu Þjóðmála, til einbeita sér að
ritstörfum og öðrum verkefnum í útgáfu. Sem nýr
ritstjóri og útgefandi Þjóðmála mun ég eiga Jakob
sem hauk í horni og þess njóta lesendur Þjóðmála.
Ég hef alltaf talið best að fjölmiðlar þróist fremur
en að þeim sem umbylt. Þetta á ekki síst við um
tímarit eins og Þjóðmál. Því verður haldið í hefðir
en bryddað upp á smávægilegum nýjungum
þegar færi gefst. En fyrst og síðast verður ritstjórnar-
stefnan sú sama og áður; frelsi og hæfilegt íhald með innihaldsríku efni.
Nýr vefur
Um miðjan október næstkomandi opnar nýr vefur Þjóðmála – thjodmal.is (og þjóðmál.is). Mark-
miðið er að til verði lifandi vettvangur skoðanaskipta um þjóðfélagsmál sem eru efst á baugi
hverju sinni. Með vefnum ætla Þjóðmál að stuðla að því að fjölbreyttar raddir borgaralegra afla fái
að hljóma í óravíddum internetsins.
óbk