Þjóðmál - 01.09.2015, Side 33

ÞJÓÐMÁL hausthefti 2015 31
David Ben-Gurion forsætisráðherra Ísraels kom
í opinbera heimsókn til Íslands 12. september
1962. Ólafur Thors tók á móti kollega sínum á
Reykjavíkurflugvelli síðla kvölds.
Daginn eftir var haldið til Þingvalla og
Morgunblaðið segir að forsætisráðherrarnir hafi
verið saman í bíl en með þeim var dr. Sigurðar
Nordals, „sem leysti úr spurningum Ben-Gurions
um menningu Íslands og sögu.“ Ben-Gurion
spurði Sigurð Nordal í þaula og hafði varla
spurt einnar spurningar þegar sú næsta var
borin fram. Ólafur Thors sagði við blaðamenn-
ina að Ben-Gurion hefði spurt Sigurð Nordal
um allt milli himins og jarðar á leiðinni austur.
„Og hann kunni að spyrja“, sagði Ólafur Thors.
„Það er ekki minni vandi að spyrja en svara.“
Í Valhöll var sest að borðum og
snæddur matur. Alþýðublaðið segir svo frá
að þegar menn voru sestir að borðum hafi
Ólafur tekið til máls en tekið fram að hann
ætli ekki að halda ræðu, hins vegar muni
Sigurður Nordal segja frá sögu Þingvalla.
Ólafur snéri sér því næst að Ben-Gurion og
sagði:
„Þér þurfið ekki að halda ræðu, heldur
skuluð þér bara sitja og hlusta — og tala
við mig — ekki konu mína.“
„Mér finnst þetta nú vera orðin heil ræða“,
sagði Ben-Gurion.
„Já, það er þannig með mig,“ sagði Ólafur,
„að þegar ég er byrjaður að tala, á ég helst
ómögulegt með að hætta. Þess vegna var mér
einu sinni líkt við manninn, sem fór á mótor-
hjóli, en vissi ekki hvar hemillinn var, og gat því
ekki stanzað fyrr en bensínið var búið.“
Af frásögn Vísis má ráða að eitthvað hafi dreg-
ist að maturinn yrði framreiddur og Ólafur bætt
í gamansömum tón:
„En ef við þurfum að bíða öllu lengur eftir
matnum er líklega bezt að fara til Reykjavíkur
og ná í brauð og smjör".
Morgunblaðið rifjaði upp heimsókn Ben-
Gurion árið 1980 með myndum sem Ólafur
K. Magnússon ljósmyndari tók. Þar er bent
á hið augljósa að báðir voru þeir Ólafur og
Ben-Gurion „með skemmtilega lifandi hár og
það var tilefni gamanmála milli þeirra“. Þannig
mun Ben-Gurion hafa sagt við Ólaf og bent á
hár hans: „You have a very lively hair, mr. Thors."
„Yes," svaraði Ólafur um hæl og bætti síðan við:
„It's the most independent hair in lceland!"
Gufuaflið í iðrum jarðar mun hafa vakið mikla
athygli ísraelska forsætisráðherrans en í Ölfus-
dal var hola látin blása honum til heiðurs.
Í upprifjun Morgunblaðsins segir að Ben-
Gurion hafi orðið „agndofa þegar krafturinn í
holunni var leystur úr læðingi og gufan látin
streyma út í loftið.
Ben-Gurion tók um eyrun vegna hávaðans
og úr svip hans mátti lesa mikla aðdáun. Þegar
lokað hafði verið fyrir gufuna sneri hann sér að
Ólafi Thors og spurði: „Hvaðan í ósköpunum
kemur þetta?" Ólafur horfði sposkur á Ben-
Gurion, benti með þumalfingri til jarðar og
sagði: „Við höfum góð sambönd þar neðra!“
„... the most independent hair in Iceland”
sögukistan