Þjóðmál - 01.12.2015, Blaðsíða 25

24 ÞJÓÐMÁL vetrarhefti 2015
og afþreyingu. En þeir myndu þá í öllu
falli ekki fá aðgang að dönskum fréttum í
stórum stíl. Þeir fengju ekki sérlega marga
umræðuþætti um stjórnmál og menningu í
Danmörku. Þeir fengju ekki upplýsingar um
og greiningu á því sem gerist í menningar-
lífinu, stjórnmálum og atvinnulífinu eða
heimsfréttir út frá dönsku sjónarhorni.
Ekki fengju þeir heldur sérlega marga nýja,
leikna, danska sjónvarpsþætti. Í útvarpi yrði
ekki mjög mikið af danskri tónlist, dönskum
kórum og sinfóníuhljómsveitum né heldur
sígildri, danskri tónlist. Ekki yrði boðið
upp á morgunandakt eða útsendingar frá
sunnudagsguðsþjónustum eða dönskum,
kirkjulegum hátíðum. Við myndum, í stuttu
máli, missa mikið af því danska og verða að
miklu leyti án þess sem tengir okkur saman
og veldur því að við, í lýðræðisríki, getum
tekið afstöðu á sameiginlegum og upp-
lýstum grundvelli… Einungis með því að
hafa DR getum við gert kröfur um eitthvað
fyrir alla, um pláss fyrir efni sem höfðar
til smærri hópa, ýmissa málhópa en ekki
sem allra flestra hlustenda og áhorfenda.
Á grundvelli fjölmiðlasérleyfisins getum
við gert kröfur um ítarlegar upplýsingar,
upplýsingar um aðskiljanlegustu efni,
örvun og upplyftingu sem veitir nýja sýn,
skoðun mála frá öðrum sjónarhornum en
þeim venjulegu sem og leikið efni í útvarpi
og sjónvarpi, skrifað af dönskum rithöfund-
um og leikið af dönskum leikurum, sem
höfðar til okkar og endurspeglar líf okkar,
land, sögu og samtímann. Einungis af slíkri
stöð getum við vænst þess að fá danska
tónlist með dönskum hljómsveitum og
dönskum söngvurum. Einungis slíkri stöð
getum við gert skylt að vera hluti af danskri
menningu og dönsku lýðræði.“
Við höfum aldrei séð íslenska stjórnmála-
menn skilgreina hvaða hlutverki RÚV á að
gegna í breyttum heimi. Lögin frá 2013 eru
svo opin að þar fellur allt undir sem mönnum
dettur í hug. Aðspurð um dæmi um það sem
Illugi Gunnarsson menntamálaráðherra sýndi kjark þegar hann lét vinna skýrslu um stöðu Ríkisútvarpsins. Spurningin er
hins vegar hvort hann dragi réttan lærdóm af þeim upplýsingum sem þar koma fram.
Mynd: Magnus Fröderberg