Þjóðmál - 01.12.2015, Qupperneq 35

34 ÞJÓÐMÁL vetrarhefti 2015
eins og þeir sem voru á öndverðum meiði
væru æsingamenn sem hafi ætlað að bylta
réttkjörinni bæjarstjórn. Svo var nú ekki því
mótmælendur vildu einungis vernda náttúru-
legt landslag, koma í veg fyrir óafturkræf
spjöll. Er slíkur málstaður vondur? Nei, hann
er góður og göfugur. Andmælendur höfðu
ekki árangur sem erfiði. Bæjarstjórnin stóð
svo fast fyrir, rétt eins og hin minnsta eftirgjöf
frá áður útgefinni stefnu mætti túlka sem
veikleika eða tap og því fór sem fór.
Eldvörp eru einstaklega fögur gígaröð á
Reykjanes. Þar undir er talsverður jarðhiti
sem ætlunin að virkja til rafmagnsframleiðslu.
Virkjunin mun hafa mikil áhrif á náttúru- og
menningarminjar á svæðinu, raska varanlega
gígunum og hrauninu umhverfis.
Af hverju yrði Eldvarpavirkjun tilefni til
að kalla allar núlifandi kynslóðir Íslands
sem komnar eru til vits og ára „sjálfhverfu
kynslóðirnar“? Af hverju yrði hún heimsku-
legur, siðlaus og óskiljanlegur umhverfis-
glæpur?
Það er vegna þess að með virkjun Eldvarpa
á ekki aðeins að umturna og eyðileggja
gígaröð, einstætt náttúruverðmæti, heldur
líka að stytta endingartíma sameiginlegs
jarðhitageymis Eldvarpa og Svartsengis
úr 50 árum niður fyrir 30 ár en fullyrða
samt að um sé að ræða endurnýjan-
lega orkunýtingu sem fyrirmynd fyrir
heimsbyggðina!7
7 Ómar Ragnarsson, grein í Fréttablaðinu 22.
nóvember 2012.
Staðreyndin er sú að Hellisheiði
og Hellisskarð hafa verið eyðilög
sem og Kolviðarhóll, Hamragil og
Sleggjubeinadalur. Stórlega sér á
Skarðsmýrarfjalli, svæðinu norðvestan
við Kolviðarhól, sunnan Húsmúla og
norðan við Gráuhnúka. Við Kolviðarhól
var reist virkjun sem lítur einna helst
út fyrir að vera flugstöð án flugbrauta.
Óaðlaðandi mannvirki og gjörsamlega
án nokkurra tengsla við umhverfi sitt,
að minnsta þann hluta þess sem er á
ofanjarðar, hitt er tengd með rörum.
Hellisheiði og nágrenni hennar voru einu sinni
á góðri leið með að verða vinsæl til útivistar en
því miður er það ekki lengur reyndin.