Múlaþing: byggðasögurit Austurlands - 01.01.2004, Blaðsíða 136

Múlaþing
Eiríkur Gunnþórsson í aðgerð. Ur myndasafni
Austra. Eigandi myndar: Ljósmyndasafn
Austurlands.
þúfugrunnskletturinn ekki fiskimið en með-
fram honurn að innan, norðan og utan, var
oft fiskur, einkurn utan við klettinn. Svæðið
utan við klettinn, margar mílur út og þar
suður um, er geysistórt og besta línusvæði á
11 o rgarlj a rða r m i ö u m.
Ut af Brúnavík og suður, innan við
Hafnþúfugrunn og suður um Dyríjalladjúp,
var oft veruleg ýsugengd.
Glettingsnesröstin hefur ávallt verið
gjöful á fisk og oft vænan fisk. Miðið „viti
á bœ“ er að sjálfsögðu ungt mið sem vísar
norðanvert á röstina og hefur haldist þrátt
fyrir tilfærslur bæjarins.
Miðin sunnan við Gletting munu ekki
hafa verið mikið notuð hér áður af bátum
frá Borgarfirði. Til þess lágu þau of langt
frá. Þar var meiri straumur og því erfiður
heimróður á móti falli. Fyrir nokkrum
áratugum voru þau illa séð af mörgum
formönnum og eimir eftir af því enn. Mun
það að einhverju leyti stafa af því að þar er
fiskur oft smærri þegar tregfiski er. Það
mun ekki hafa verið fyrr en eftir 1965 að
farið var að sækja djúpt út og suður af
Gletting að staðaldri. Hér áður kom þó fyrir
að bátar voru þarna nokkuð úti, en tæpast
eins og síðar varð, allt að 8 til 9 mílur út af
Grænmó og Breiðuvík.
Glettingsflakið er geysistórt og þar er
mikið ijölfiski. Trúlega stafar aukin sókn
þangað af þeirri friðun sem það nú nýtur
eftir síðustu útfærslu landhelginnar. Dýpi er
þarna svipað, firá 32-35 föðmum, ég held
allt út undir 10 mílur og sumstaðar lengra
út. Síðari ár hefur verið sótt nokkuð á þessi
mið með línu að haustinu og oftast fiskast
vel.
Nú eru tímar tækninnar. Menn eru að
mestu hættir að huga að nákvæmum
miðum. Nú ráða dýptarmælarnir og radarar.
Línulengd er einnig meiri og nú velja menn
fiskislóð en ekki mið. Er því vel að skrásett
skuli vera eldri fiskimið sem vissulega
gegndu sínu hlutverki hér áður.
Reynsluvísindi forfeðra okkar eru alls ekki
marklaus þótt við teljum okkur ekki þurfa á
þeim að halda í dag.
Snauðari verður hver sá sjómaður sem
rær til fiskjar með tæknina eina innanborðs
en án alls þess gagns og gamans er fylgir
mörgu því er forfeðurnir höfðu lært og
skilið okkur eftir.
134