Strandapósturinn - 01.06.1986, Side 40

flest verkalýðsfélög Norðurlands, þó ekki öll. Hin voru í Alþýðu-
sambandi Islands, Sjómannafélag Reykjavíkur var í Alþýðusam-
bandinu. Það kemur síðar fram.
Daginn sem verið var að ræða við Þórodd vann ég í búð
kaupfélagsins eins og vant var, en vissi hvað var að gerast. Kl. 18
fór ég inn á skrifstofu kaupfélagsstjóra, Kristmundar Jónssonar
og spurði hvernig það horfi við honum, ef ég gengi í verka-
mannafélagið. Eg gegndi því starfi er skip komu, að skrá verka-
menn og vinnutíma þeirra og stjórna vinnu a.m.k. stundum.
Kristmundur tók því ljúfmannlega og sagðist síður en svo vera
á móti því að ég gengi í það. Fór ég síðan á fundinn og náði að
kjósa í stjórn þess. Komst meir að segja í varastjórn. Formaður
var kosinn Björn Kristmundsson en varaformaður Jónas Ben-
ónýsson samstarfsmaður minn í kaupfélaginu. Gjaldkeri Helgi
Þórðarson en ritari Guðlaugur Jónsson.
Nokkru síðar fór Björn til Reykjavíkur. Það kom því í hlut
varaformanns að koma verkalýðsfélaginu á fót. Fá þá fyrir að
semja við kaupfélagið. En það gekk ekki eins og vonir manna
stóðu til. Verkalýðsfélagið vildi fá forgang til allrar vinnu hjá
kaupfélaginu en það fékkst ekki og samningar strönduðu. Tíminn
leið og.allir urðu leiðir. Fundir voru haldnir í Verkalýðsfélaginu
og þar sáu menn ekki annað ráð en fara í verkfall eða leggja
félagið niður.
Niðurstaðan var að vinna ekki við Fagarfoss 7. maí, en mæta á
vinnustað. Fundur var haldinn á sunnudegi 6. maí og þar sam-
þykkt vinnustöðvun og kaupfélagsstjóra skrifað bréf um þetta og
óskað eftir samningum svo komast mætti hjá verkfalli. Tíminn
var n mmur sem kaupfélagsstjóri fékk. Hann gat ekki náð í
meðstjórnendur sína um kvöldið. Hins vegar er mín skoðun að
þeir hefðu verið búnir að semja ef þeir hefðu ætlað sér það.
Þegar svo að Fagarfoss kom daginn eftir fór varaformaður
Jónas, Helgi og fleiri um borð í skipið og tilkynntu vinnustöðvun
og báðu skipsmenn að hreyfa ekki hendi. Hásetar sögðust vinna
nema að skeyti kæmi frá Sjómannafélaginu. Þarna var trompið
sem stjórn kaupfélagsins hafði. Ef við hefðum verið í Alþýðusam-
bandinu hefði ekki komið til átaka á Borðeyri eða annars staðar.
38