Strandapósturinn - 01.06.1986, Page 42

væri búinn að segja upp kaupfélagsstjórastarfinu og fór þess á
leit að við kæmum norður og ynnum við uppgjör kaupfélagsins.
Við slógum til og fórum norður. Eftir áramótin hófst vinnan.
Brandur bróðir vann og með okkur. Við fengum fæði og hús-
næði hjá Magnúsi Ríkharðs svo og skrifstofupláss. Kaupfélags-
stjórastaðan var nú auglýst og sótti Jónas um hana. Þá hófst nú
stríðið. Menn skiptust í tvo nokkuð jafna hópa. Annars vegar
þeir sem vildu Jónas og hins vegar þeir sem ekki vildu hann. Pét-
ur Sigfússon gjaldkeri hjá Kaupfélagi Þingeyinga á Húsavík og
Karl Helgason sóttu um starfið. Andstæðingar Jónasar sameinuð-
ust um Pétur. Sumir vildu fá Brand bróður minn til að sækja um
starfið en hann vildi það ekki, en hét að styðja Jónas í byrjun ef
hann næði kosningu.
Formaður stjórnar kaupfélagsins var Gunnar Þórðarson bóndi
í Grænumýrartungu. Var hann áhrifamaður mestur í sveidnni
um þessar mundir. Hann var harðastur andstæðingur okkar Jón-
asar. Gunnar var greindur og hagsýnn bóndi.
Sá sem einarðlegast barðist fyrir okkur Jónas var Ólafur Jóns-
son byggingameistari á Borðeyri.
A aðalfundi kaupfélagsins voru fulltrúar kosnir með tilliti til
hver yrði kaupfélagsstjóri. Stjórnin vildi því fá meirihluta fulltrúa
svo að hún gæti kosið Pétur. Það hefði verið erfitt ef Jónasar
menn hefðu orðið fleiri. Er kosningum var lokið í Bæjarhrepps-
deild, voru úrslit tvísýn. Töldu sumir að Jónasar menn væru ein-
um fleiri. En þá gerðist það, að sá eini í Verkalýðsfélaginu, sem
náði að vera kosinn fulltrúi, kaus Pétur. Það voru vonbrigði.
Stjórn kaupfélagsins gekk frá málinu á skrifstofu kaupfélags-
stjóra. Vildi Gunnar hafa lokaðan fund, en Ólafur Jónsson krafð-
ist þess að fá að mæta á þessum fundi og að taka til máls. Gunn-
ar lét þá undan, en óánægður. Ég var nærstaddur og heyrði
nokkurn veginn ræðu Ólafs. Efnislega var hún á þessa leið. Ólaf-
ur kvaðst ekki skilja það ofurkapp sem Gunnar legði á að flæma
tvo unga menn frá störfúm í kaupfélaginu. Þeir væru reglusamir
og hefðu komið sér vel. Af Jónasi mætti góðs vænta og þessa
drengi þekkjum við en Pétur ekki. Við vitum að hann hefði
40