Strandapósturinn - 01.06.1986, Qupperneq 83

Halldór vann á skriístofu kaupfélagsins á Borðeyrarárum mín-
um. Annaðist hann bókhald félagsins og var þar allt fært með
snilldarhandbragði. Hann var einstaklega vel gefinn maður, við-
mótsþýður og vildi hverjum manni vel. Hefi ég ekki unnið með
betri starfsfélaga.
Heimili þeirra Halldórs og Guðrúnar var eins og þau hlýlegt
og glaðvært og var þar ávallt gott að koma. Halldór var prýði-
lega hagmæltur en flíkaði því lítt. Hann orti þó ýmsa bragi í fé-
lagi við mág sinn Guðlaug Jónsson í Lyngholti. Lifa þeir enn í
minnum manna og hafa sumir birst í Strandapóstinum.
Nú býr á Fögrubrekku Vilhelm Steinsson.
Melar
Melar var stórbýli til forna og mun svo enn vera því svo segja
kunnugir að bræðurnir Jónas, Jón og Sigurður Jónssynir, sem
þar búa félagsbúi, sitji Mela með reisn og hafi reist sér hver sitt
eigið íbúðarhús fyrir sig og sína fjölskyldu.
Melar voru hálft um hálft þjóðsögubær. Þar átti að gilda þessi
gamla vísa sem sumir sögðu raunar að væri um Melstað í Mið-
firði en ég hafði fyrir satt á æskuárum mínum að væri um Mela í
Hrútafirði.
Mikið gengur Melum á
margir lúa hrinda.
Tiu að raka, tólf að slá
tuttugu hey að binda.
Aðeins einu sinni kom ég að Melum en það var sumarið f929
er ég fékk að fara þangað með foreldrum mínum. Bjuggu þá á
Melum hjónin Jósep Jónsson, hreppstjóri og Anna Bjarnadótdr
kona hans. Man ég það best hvað foreldrum mínum fannst til
um Mela, en þar hafði móðir mín verið eitt sumar eftir að hún
var heitbundin föður mínum, en hann hafði alist upp á Óspaks-
stöðum austan ár rétt í nágrenninu.
Þessi hjón Jósep og Anna voru afi og amma bræðranna sem
nú búa á Melum.
81