Saga - 2015, Blaðsíða 25

Að minnsta kosti tveir Íslendinganna höfðu myndavélar með -
ferðis í þetta skipti og tóku myndir sem þeir fengu síðan fram-
kallaðar. Ljósmyndirnar sem komust í dreifingu á Íslandi voru gerð -
ar upptækar af yfirvöldum og eru nú sennilega glataðar, en þeim er
lauslega lýst í málskjölum. Sumar myndanna voru af karli og konu,
nöktum eða fáklæddum, í ýmsum samræðisstellingum en aðrar af
konunni einni. Andlit konunnar var hulið á flestum myndunum en
andlit karlsins á þeim öllum.47 Í vitnisburði eins af flugvirkjanem-
unum kemur jafnframt fram að „stúlkan hafi stungið Coca cola
flösku upp í getnaðarfæri sín og hafi félagar sínir tekið myndir af
því.“48
Flugvirkjanemarnir tveir sem tóku ljósmyndir þetta sinn verða
hér, sem vitni í málinu, nefndir Jóhann og Lárus.49 Þegar þeir sneru
aftur til Íslands að námi loknu hafði eitthvað kvarnast úr mynda-
safninu, en filmurnar fluttu þeir báðir með sér heim. Lárus tapaði
hins vegar sínum filmum og því fékk hann filmur Jóhanns lánaðar.
Skömmu síðar hitti Lárus mann sem hér verður nefndur Friðrik hjá
sameiginlegum kunningja og lánaði honum filmurnar.50 Friðrik
gerði myndir eftir sjö filmum en aðrar voru of lélegar til að hægt
væri að taka eftir þeim. Svo kom hann filmunum aftur til Lárusar
sem skilaði þeim til Jóhanns.51
Samkvæmt vitnisburði Lárusar og Friðriks fékk sá síðarnefndi
filmurnar lánaðar einhvern tíma seinni hluta árs 1947. Af skjölum
málsins má ráða að myndirnar hafi verið í höndum Friðriks um hríð
áður en þær bárust til næsta manns í þeim hópi vitna sem yfir-
heyrður var við rannsókn málsins. Hann sagðist síðan hafa haft þær
svarti pétur 23
47 ÞÍ. SR FA6/85. Mál nr. 3857–3859/1949. Skýrsla rannsóknarlögreglunnar í
Reykjavík 16. maí 1949 og skýrsla lögreglunnar á keflavíkurflugvelli 20. maí
1949.
48 ÞÍ. SR FA6/85. Mál nr. 3857–3859/1949. Skýrsla rannsóknarlögreglunnar í
Reykjavík 16. maí 1949.
49 Hin fjölmörgu vitni sem kölluð voru til við rannsóknina njóta nafnleyndar, en
til að auðveldara sé að greina menn í sundur í frásögninni verða þeim gefin
dulnefni hér.
50 ÞÍ. SR FA6/85. Mál nr. 3857–3859/1949. Skýrsla lögreglunnar á keflavíkur -
flugvelli 20. maí 1949 og endurrit úr lögregluþingbók Reykjavíkur 2. júní 1949,
bls. 8, og ÞÍ. SBH (Sýslumaðurinn og bæjarfógetinn í Hafnarfirði) GA/45. Lög -
regluþingbók Gullbringu- og kjósarsýslu 1947–1950, bls. 426–428.
51 ÞÍ. SR FA6/85. Mál nr. 3857–3859/1949. endurrit úr lögregluþingbók Reykja -
víkur 30. maí–2. júní 1949, bls. 2 og 8.
Saga haust 2015 umbrot.qxp_Saga haust 2004 - NOTA 26.11.2015 11:00 Page 23