Saga - 2015, Síða 27

þekktum stúlkuna, sem sýnd er á þeim. einnig spurði hann okkur
hvort við teldum möguleika á að myndirnar væru teknar á flugvell-
inum. Um það voru skiptar skoðanir.“56 Sögusagnir um klám myndir
frá keflavíkurflugvelli voru því komnar á kreik áður en Friðrik kom
með ljósmyndirnar á skrifstofu Æskulýðsfylkingarinnar.
Magnús fékk myndirnar lánaðar og lánaði þær svo áfram til
manns sem vann fyrir Sósíalistaflokkinn og verður hér nefndur
Ólafur. við réttarrannsókn málsins sagði Ólafur að hann hefði fengið
myndirnar „í því skyni að rannsaka þær án þess að hann fáist til að
greina frá því í hvaða skyni“.57 Hann fór með þær til Hannesar
Pálssonar ljósmyndara, sem hafði meðal annars tekið myndir fyrir
Þjóðviljann og Sósíalistaflokkinn, og bað hann að gera eftirtöku af
þeim. Þegar hér er komið sögu var komið fram í lok apríl 1949.
Ólafur afhenti Hannesi sex myndir í fremur litlum gæðum. Hannes
gerði myndir eftir fimm þeirra, stækkaði þær nokkuð og bjó þannig
til tuttugu fimm mynda seríur. eina seríu fékk Ólafur endurgjalds-
laust og setti hana í ljósmyndasafn Þjóðviljans.
Tveimur til þremur vikum síðar var Hannes búinn að láta frá sér
allar seríurnar nema eina. Þar af hafði hann látið flestar seríurnar til
tveggja manna: Agnars Rósenkranz Hallvarðssonar vélvirkjanema,
sem hafði fengið tíu seríur, og Sigurbergs Hávarðssonar, nema á
viðgerðastofu útvarpsins, sem hafði fengið fjórar. Þeir Agnar og
Sigurbergur voru kunningjar Hannesar. Hann hafði gefið hvorum
um sig eina seríu sem þeir síðan sýndu kunningjum sínum og sam-
starfsfélögum. Þegar þeir síðarnefndu vildu eignast eintök sjálfir
höfðu Agnar og Sigurbergur milligöngu um að útvega fleiri seríur
frá Hannesi. Agnar og Sigurbergur greiddu honum 20–25 krónur
fyrir hverja seríu en samkvæmt framburði þeirra höfðu þeir selt
myndirnar áfram á sama verði og þeir keyptu þær af Hannesi. Alls
hafði Hannes um 300 krónur upp úr viðskipt un um.58
Meðal þeirra sem keyptu ljósmyndir af Sigurbergi Hávarðssyni
var fyrrnefndur lærlingur í prentsmiðju Tímans. Sveinn Sæmunds -
svarti pétur 25
56 ÞÍ. SR FA6/85. Mál nr. 3857–3859/1949. Skýrsla rannsóknarlögreglunnar í
Reykjavík 16. maí 1949.
57 ÞÍ. SR FA6/85. Mál nr. 3857–3859/1949. endurrit úr lögregluþingbók
Reykjavíkur 30. maí 1949, bls. 5.
58 ÞÍ. SR FA6/85. Mál nr. 3857–3859/1949. Skýrsla rannsóknarlögreglunnar í
Reykjavík 12.–13. maí 1949 og endurrit úr lögregluþingbók Reykjavíkur 30.
maí 1949, bls. 3–6.
Saga haust 2015 umbrot.qxp_Saga haust 2004 - NOTA 26.11.2015 11:00 Page 25