Saga - 2015, Síða 30

nefnda að segja ekki frá því hvar hann hefði fengið þær lánaðar. Því
kvaðst Magnús fyrst ekki vita hver hefði komið með ljósmyndirnar
á skrifstofu Æskulýðsfylkingarinnar en við aðra yfirheyrslu fáeinum
dögum síðar benti hann á Friðrik.65 Nokkurt ósamræmi var í fram-
burði Ólafs og Hannesar Pálssonar um samskipti þeirra. Ólafur
sagðist aldrei hafa gefið Hannesi leyfi til þess að „gefa út eða láta af
hendi eftirmyndir“ af myndunum.66 Hannes sagði Ólaf hins vegar
hafa gefið sér leyfi til þess að taka eftir þeim gegn því að hann fengi
frí eintök sjálfur, þótt hann viðurkenndi að ekki hefði verið minnst
á frekari dreifingu eða sölu. Hannes hélt því jafnframt fram að
Ólafur hefði sagt sér að myndirnar væru teknar á keflavíkurflug -
velli en því neitaði Ólafur og sagðist ekkert hafa vitað um uppruna
myndanna.67 Þar er líklegra að Hannes segi rétt frá, enda örðugt að
sjá hvers vegna Ólafur hefði annars sóst eftir því að fá eintök af
klámfengnum myndum í ljósmyndasafn Þjóðviljans.
Þeir Agnar Hallvarðsson og Hannes Pálsson sögðu upphaflega í
yfirheyrslum að þegar sá fyrrnefndi hefði verið búinn að selja
nokkrar myndaseríur hefðu þeir ákveðið að Hannes greiddi honum
50 krónur í sölulaun.68 eftir að mál hafði verið höfðað gegn þeim og
þeim skipaður verjandi breyttu þeir hins vegar framburði sínum og
sögðu það misskilning að 50 krónurnar hefðu verið sölulaun. Í raun-
inni hefði verið um að ræða síðbúna greiðslu fyrir viðgerð á bíl
Hannesar, því Agnar hefði skipt um pakkningu í bílnum sumarið
1947.69 Agnar og Hannes reyndu þannig að gera heldur minna úr
kristín svava tómasdóttir28
65 ÞÍ. SR FA6/85. Mál nr. 3857–3859/1949. Skýrsla rannsóknarlögreglunnar í
Reykjavík 12.–16. maí 1949, og skýrsla lögreglunnar á keflavíkurflugvelli 20.
maí 1949.
66 ÞÍ. SR FA6/85. Mál nr. 3857–3859/1949. Skýrsla rannsóknarlögreglunnar í
Reykjavík 12. maí 1949. Um samskipti þeirra sjá einnig ÞÍ. SR FA6/85. Mál nr.
3857–3859/1949. endurrit úr lögregluþingbók Reykjavíkur 30. maí 1949, bls. 5.
67 ÞÍ. SR FA6/85. Mál nr. 3857–3859/1949. Skýrsla rannsóknarlögreglunnar í
Reykjavík 12.–13. maí 1949.
68 ÞÍ. SR FA6/85. Mál nr. 3857–3859/1949. Skýrsla rannsóknarlögreglunnar í
Reykjavík 12.–13. maí 1949, og endurrit úr lögregluþingbók Reykjavíkur 30.
maí 1949, bls. 3–6.
69 ÞÍ. SR FA6/85. Mál nr. 3857–3859/1949. endurrit úr lögregluþingbók Reykja -
víkur 9. september 1949, bls. 1–2. Það kemur hvergi fram í skjölum málsins
hvort Hannes hafi ætlað sér að halda framleiðslunni áfram eða láta staðar
numið við seríurnar tuttugu.
Saga haust 2015 umbrot.qxp_Saga haust 2004 - NOTA 26.11.2015 11:00 Page 28