Saga - 2015, Qupperneq 31

hlut þess fyrrnefnda í málinu. Fyrir dómi þótti ekki sannað að þeir
Agnar og Sigurbergur Hávarðsson hefðu grætt á sölu ljósmyndanna
en þáttur þeirra þótti samt sem áður nægja til sakfellingar.
vitnisburðir í réttarheimildum eru það sem kalla má „þvinguð
tjáning“, þar sem vitnin sjálf hafa aðeins takmarkaða stjórn á að -
stæðum.70 Í klámmyndamálinu höfðu margir hinna yfirheyrðu átt
þátt í dreifingu mynda sem töldust til ólöglegs efnis og gátu átt yfir
höfði sér refsingu, töluverð fjárútlát eða jafnvel fangelsisvist. Þeir
höfðu því fulla ástæðu til þess að draga úr eigin þætti í málinu og
voru stundum tregir til að bendla aðra við það.
Svarti Pétur
Það var hljótt um klámmyndirnar af keflavíkurflugvelli í dagblöð -
unum meðan rannsókn málsins stóð yfir. Þann 11. júní er ljóst að
niðurstöður lögreglu- og réttarrannsóknar voru komnar í hús. Þá
minnist „Hannes á horninu“ í Alþýðublaðinu á sögusagnir um klám-
myndatökur á keflavíkurflugvelli og vitnar í ónefndan heimildar-
mann um að þarna hafi ekki verið um íslenskar stúlkur að ræða,
„þetta voru nákvæmlega sömu kortin og ógeðsleg kvikindi í hafn-
arborgum erlendis falbjóða. Í ákveðnum tilgangi hefur hvíslingar-
herferð verið hafin með þessum kortum aðeins til að sverta starfs-
fólkið á flugvellinum og níða þá stjórnmálaflokka, sem stóðu að því
að samningurinn um rekstur flugvallarins væri gerður.“71 Hannes á
horninu lætur með öðrum orðum að því liggja að andstæðingar
keflavíkursamningsins hafi dreift ljósmyndunum í pólitískum til-
gangi með þeim upplýsingum að þær væru teknar á keflavíkur -
flugvelli. Þar með slær hann tóninn fyrir skrif stuðningsblaða stjórn-
arflokkanna um klámmyndamálið.
Þann 16. júní sendi dómsmálaráðuneytið frá sér fréttatil kynn -
ingu um niðurstöður rannsóknar í málinu: „Þess hefur verið getið í
blöðum undanfarið, að hér í bænum væru manna á meðal klám-
myndir, sem teknar mundu vera á keflavíkurflugvellinum. Rann -
sóknar lögreglan hefur nú rannsakað hvernig í þessu máli liggur og
hefur sannazt, að myndirnar, sem voru í höndum nokkurra manna
svarti pétur 29
70 vilhelm vilhelmsson, „Stílfært og sett í samhengi“, bls. 17.
71 „Hannes á horninu“, Alþýðublaðið 11. júní 1949, bls. 4.
Saga haust 2015 umbrot.qxp_Saga haust 2004 - NOTA 26.11.2015 11:00 Page 29