Saga - 2015, Qupperneq 63

þá hann kiemur heim annadhuört Sira Olaf Hialltason. eda ydar eigin
son sira Sigurd. eda einhuörn þann þier sialfer best trued. ad hann sie
best tilfallinn þess erindis.78
Þetta getur bent til að þeir Ólafur hafi verið álitnir sama eða svipaðs
sinnis í siðbótarmálefnum og að Sigurði hafi verið treyst til að þróa
kirkjuna í Hólabiskupsdæmi til lútherskrar skipanar með friðsam-
legum hætti.79 Þetta virðist raunhæft traust hafi Sigurður ekki að -
eins svarið venjulegan hollustueið heldur einnig gengið formlega til
hlýðni við kirkjuskipan konungs. Af þessu virðist einnig mega
álykta að Palladius hafi talið sig merkja lútherska sannfæringu hjá
Sigurði er fundum þeirra bar saman nokkrum árum áður. Í öllu falli
virðist Sigurður hafa gengið siðbótarpólitík konungs á hönd í síðari
utanför sinni og það haldið aftur af honum í úrslitaátökunum hér
heima. ekki verður hins vegar um það dæmt hvort það eitt hefur
nægt til þess að hann héldi sig til hlés eða hvort einnig hafi gætt hjá
honum lútherskra tilhneiginga. Svo mjög sem ættmennum hans reið
á stuðningi má þó telja líklegt að svo hafi í raun verið.
Stöðu sinnar vegna hlaut Sigurður Jónsson að verða í hópi þeirra
tignarmanna sem undirrituðu hollustueið við kristján III á Oddeyri
15. júní 1551. Þetta segir þó ekkert um persónulega afstöðu hans þar
sem sendimenn konungs voru viðstaddir með heilan herflokk og
þrýstu á.80 eins og fram er komið bætti sá eiður ef til vill ekki miklu
við fyrri svardaga hans því með honum var siðbótinni ekki svarin
hollusta sérstaklega.81 Hefur enda, þegar þarna var komið, verið
litið svo á að trúnaður við konung fælist ekki síst í að fylgja trúar-
pólitík hans.
Siðaskiptin fyrir norðan virðast engu hafa breytt um stöðu
Sigurðar í biskupsdæminu né valdið kala milli hans og Gissurar
einarssonar eða eftirmanna föður hans fyrir norðan. Hann virðist
hafa staðið heilshugar með Ólafi Hjaltasyni í biskupsdómi hans og
meðal annars lagt sitt af mörkum til að sporna gegn því að bisk-
upstíundir rynnu til konungs. við það tækifæri fór hann ásamt fleiri
prestum jákvæðum orðum um embættisrekstur Ólafs og nefndi
meðal annars að hann hafi hagað honum samkvæmt „… klarum
frumkvöðull siðbótar á norðurlandi? 61
78 DI XI, bls. 758; Páll eggert Ólason, Menn og menntir I, bls. 314.
79 við svipaðan tók kvað í bréfi Palladiusar frá 1551. DI XII, bls. 257.
80 Páll eggert Ólason, Menn og menntir I, bls. 390–391.
81 DI XII, bls. 268–269.
Saga haust 2015 umbrot.qxp_Saga haust 2004 - NOTA 26.11.2015 11:00 Page 61