Saga - 2015, Blaðsíða 149

fleiri myndir til að efla skilning lesandans á þeim breytingum sem
urðu frá einum áratug til annars.
Lokaorð
eggert Þór Bernharðsson hefur á áhrifamikinn hátt sett mark sitt á
söguna. Hann hefur ekki aðeins mótað sýn fjölda háskólanema á
fortíðina og vakið athygli þeirra á nýjum viðfangsefnum og fjöl-
breyttum miðlunarleiðum heldur hefur hann einnig átt ríkan þátt í
að móta viðhorf almennings til fortíðarinnar og sinnar eigin sögu. Í
bókum sínum hefur hann dregið fram fjöldann allan af ólíkum sög-
um og heimildum sem ekki aðeins styrkja söguvitund almennings
og vitund um þá fortíð sem þeir eru sprottnir úr heldur efla einnig
sjálfsmynd okkar sem borgarbúa og þjóðar. eggert hefur sýnt okkur
að það líf sem lifað er undir bárujárnsboga og á moldugum strætum
Reykjavíkurborgar, þar sem garðeigendur þurftu að stugga við
stöku kindarskömm sem tróð sér inn í garð — við undirleik dynj -
andi rokktónlistar úr útvarpi í glugga, er ekki síður þess virði að um
það sé bæði hugsað og skrifað en líf í grösugum dal eða líf í veislu-
sölum embættismannastéttarinnar. Með bókinni Sveitin í sálinni
sýnir eggert fram á að sveit og borg voru ekki bara andstæður í
huga fólks á tuttugustu öld heldur oft og tíðum einnig hluti af sama
veruleika. Reykjavík var ekki bara bær heldur einnig sveit langt
fram eftir tuttugustu öld og þótt byggðin stækkaði og grasblettum
fækkaði hélt sveitin áfram að lifa með fólki, í huganum og í sálinni,
jafnvel þó að þeim fjölgaði sem ekki áttu ættir að rekja annað en á
mölina og voru „bara úr Reykjavík“.
eggert Þór var önnum kafinn sem fræðimaður þegar hann lést á
gamlársdag árið 2014. Hann var sífellt að bæta við sig, sökkva sér í
ný viðfangsefni, dreifa hugmyndum og miðla þekkingu sinni. Sveitin
í sálinni sýnir glöggt að þau rannsóknarefni sem hann hafði áhuga á
voru fjölmörg. Í hvaða átt hann hefði farið með þau í framhaldinu
er ómögulegt fyrir mig sem lesanda að vita, en það er von mín að
Sveitin í sálinni kveiki þrá fleiri fræðimanna (sagnfræðinga, félags -
fræðinga, ljósmyndafræðinga, arkitekta og skipulagsfræðinga) til að
kafa dýpra og fara lengra í að skoða þau viðfangsefni sem eggert
hefur dregið fram í dagsljósið og skrifað inn í söguna.
í sálinni 147
Saga haust 2015 umbrot.qxp_Saga haust 2004 - NOTA 26.11.2015 11:00 Page 147