Saga - 2015, Page 194

Að lokinni þessari frásögn af stjórnarkjöri og stjórnarstörfum vék
ég að útgáfumálum og öðru sem var í frásögur færandi frá starfsári
félagsins.
Saga. Hausthefti Sögu, tímarits Sögufélags, kom út í desember
2014. Ritstjóri var sem fyrr Sigrún Pálsdóttir sagnfræðingur og í rit-
nefnd sátu sömu fulltrúar og áður: Davíð Ólafsson, Már Jónson, Páll
Björnsson, Ragnheiður kristjánsdóttir og Sveinn Agnarsson. Þrjár
ritrýndar greinar birtust í haustheftinu. Ragnheiður kristjánsdóttir
fjallaði um þá hefð sagnaritunar sem skapast hefur um þróun
íslenskra stjórnmála á 20. öld og leiðir til að brjótast út úr þeirri hefð,
m.a. með því að horfa á stjórnmál í víðari skilningi, t.d. í samhengi
stjórnmálaskrifa og almennrar þátttöku innan stjórnmálaflokka í
stað valdapólitíkur. Mat heimilda og takmarkaður aðgangur að
þeim var viðfangsefni greinar eftir Guðna Th. Jóhannesson en þar
beindi hann sjónum að breskum og bandarískum skjölum um ís -
lenska bankahrunið. Þá var birt grein eftir Þorstein Helgason um
minni og minningu innan sagnfræði og annarra hugvísinda.
Ítardómur Sögu var að þessu sinni um bókina Fjarri hlýju hjóna-
sængur eftir Ingu Huld Hákonardóttur sagnfræðing, bók sem mark -
aði þáttaskil þegar hún kom út fyrir rúmum tveimur áratugum. Þá
birtust fjórar andmælaræður við tvær doktorsvarnir í sagnfræði og
ritdómar voru á sínum stað.
Í vorhefti Sögu í ár voru einnig þrjár fræðigreinar um ólík efni.
vilhelm vilhelmsson fjallaði um morðið á Natani ketilssyni og má
lesa þá grein í framhaldi af skrifum eggerts Þórs Bernharðssonar og
Helgu kress um sama efni. Í grein sinni ræddi vilhelm um efnið
með hliðsjón af eðli og gildi réttarskjala sem sögulegra heimilda. Í
næstu grein heftisins velti Steinunn kristjánsdóttir fornleifafræðing-
ur fyrir sér einsetulifnaði sem undankomuleið frá hjónabandi á mið -
öldum. Þá skrifaði Gunnar Óskarsson arkitekt um verkamanna -
bústað ina við Hringbraut í Reykjavík og hönnun þeirra í samhengi
evrópskrar byggingarsögu. viðhorfsgrein Sögu var eftir erlu Huldu
Halldórsdóttur og snerist um stöðu fræðimannsins í ævisögulegum
verkum, einkum með vísan í ævisögu Sigríðar Pálsdóttur (1809–
1871) sem erla Hulda hefur í smíðum. Þá birti Saga andmælaræður
við doktorsvörn Sumarliða Ísleifssonar og í vorheftinu mátti að lok-
um finna fjölda ritdóma um bækur á sviði sagnfræði og skyldra
greina sem komu flestar út árið 2014.
Saga er sem fyrr eitt af virtustu fræðiritum á Íslandi. Tímaritið er
af aðalfundi sögufélags 2015192
Saga haust 2015 umbrot.qxp_Saga haust 2004 - NOTA 26.11.2015 11:00 Page 192