Fréttablaðið - 09.04.2022, Síða 10

Samtökin greindu frá
því að íslenskt hvalkjöt
væri notað í gæludýra­
nammi.
Alþjóðleg rannsókna- og
dýraverndunarsamtök hafa
sent forsætisráðherra bréf til
að reyna að stöðva hvalveiðar
Hvals hf. í sumar. Stefnt er
að veiðum í fyrsta sinn síðan
árið 2018.
kristinnhaukur@frettabladid.is
DÝRAVERND Rannsókna- og dýra-
verndunarsamtökin Environmental
Investigation Agency, eða EIA, hafa
óskað eftir því við Katrínu Jakobs-
dóttur forsætisráðherra að þær hval-
veiðar sem fyrirhugaðar eru í sumar
verði stöðvaðar. Sendi Clare Perry,
sem stýrir herferðum í málefnum
hafsins, Katrínu bréf þess efnis á
fimmtudag.
Kristján Loftsson, eigandi Hvals
hf., tilkynnti í mars að hvalveiðar
myndu hefjast að nýju í sumar. En
fjögurra ára hlé hefur verið á hval-
veiðum, að hans sögn vegna tog-
streitu milli útgerðarinnar og Mat-
vælastofnunar. Alls má veiða 200
hrefnur og 200 langreyðar í lögsögu
Íslands á ári. Reiknað er með að veið-
arnar hefjist í júní og standi fram í
september.
EIA voru stofnuð árið 1984 af
hinum breska Dave Currey, eftir að
hann hafði séð aðfarir norskra hval-
veiðimanna. Síðan þá hafa samtökin
stækkað og víkkað út sína starfsemi
og taka á náttúruverndarmálum á
landi líka. Að eigin sögn segjast þau
rannsaka, upplýsa og reyna að koma
í veg fyrir glæpi gegn náttúrunni
og dýralífi. Höfuðstöðvarnar eru í
London og Washington.
„Það er eitthvað hrikalega rangt
við að einn einstaklingur geti boðið
heimsálitinu birginn til að drepa
þessar stórkostlegu skepnur á sama
tíma og þörfin til að vernda stóra
hvali er meiri en nokkru sinni fyrr,“
sagði Clare í yfirlýsingu fyrir hönd
samtakanna og átti þá við Kristján.
Einnig segir að árið 2011 hafi EIA
ljóstrað upp um það að Kristján hafi
sjálfur komið að stofnun fyrirtækis í
Japan til að flytja inn hvalkjöt til að
reyna að skapa neytendamarkað þar.
„Tveimur árum seinna komum við
upp um það að íslenskt hvalkjöt væri
notað til að búa til gæludýranammi,“
segir í yfirlýsingunni. Í krafti fjár-
muna sinna gæti Kristján haldið
niðri verðinu. Samkvæmt reikn-
ingum Alþjóðagjaldeyrissjóðsins sé
virði hvers hvals fyrir Ísland, vegna
ferðaþjónustu og hvalaskoðunar, 2
milljónir dollara, eða um 260 millj-
ónir króna.
Á mánudag skrifaði Svandís Svav-
arsdóttir, sjávarútvegs- og landbún-
aðarráðherra, grein í Morgunblaðið
þar sem hún sagði fátt styðja hval-
veiðar og að þær hefðu litla efnahags-
lega þýðingu fyrir Ísland. Hversu
lítil nýtingin hafi verið á kvótanum
undanfarin ár sýni hversu óarðbærar
veiðarnar séu og líklega sé af þeim
tap. Að öllu óbreyttu verði engin
hvalveiði heimil frá árinu 2024. ■
Dýraverndunarsamtök biðla til
Katrínar um að stöðva hvalveiðarnar
Hrefnuveiðar
á Nirði KÓ árið
2008.
MYND/GUNNAR
BERGMANN
GARÐABÆR, MARÍUGATA
Í URRIÐAHOLTI
Opið fyrir umsóknir vegna nýrra leiguíbúða
Bjarg íbúðafélag hefur opnað fyrir umsóknir vegna
nýrra leiguíbúða í Maríugötu í Garðabæ.
Umsóknir og nánari upplýsingar á heimasíðu félagsins
www.bjargibudafelag.is
kristinnhaukur@frettabladid.is
VIÐSKIPTI Sending af súráli frá
rússneska fyrirtækinu Rusal barst
til álversins í Straumsvík tveimur
vikum eftir að Rio Tinto lýsti því
yfir að það ætlaði að slíta öllum við-
skiptatengslum við Rússland.
„Rio Tinto er í því ferli að slíta
öllum viðskiptatengslum sem fyrir-
tækið hefur við rússnesk fyrirtæki,“
svaraði fyrirtækið fréttastofu Reuters
þegar spurt var um sendinguna. Að
öðru leyti vildu forsvarsmenn fyrir-
tækisins ekki tjá sig.
Yfirlýsing Rio Tinto var gerð 10.
mars en sendingin barst frá Írlandi
til Íslands þann 24. mars.
Álfyrirtækið Rusal er ekki undir
sérstökum þvingunum af hálfu Evr-
ópusambandsins, Íslands eða ann-
arra landa, en eigandi þess, óligark-
inn Oleg Deripaska, er það hins vegar.
Rio Tinto og Rusal tengjast í gegn-
um eignarhald á ástralska álfyrirtæk-
inu Queensland Alumina. Í gær var
tilkynnt að Rio Tinto myndi alfarið
fara með stjórn þess félags. Ástralir
hafa bannað allan útflutning á áli og
fleiri málmum til Rússlands. ■
Rússnesk sending
til Straumsvíkur
benediktboas@frettabladid.is
SAMFÉLAG Yfir sextíu prósent lands-
manna ætla einfaldlega að slappa af
heima um páskana, að því er fram
kemur í nýlegri skoðanakönnun
Prósents. Þá ætlar helmingur
aðspurðra að gæða sér á góðum mat
á komandi frídögum.
Athygli vekur að álíka margir ætla
að ferðast innanlands og utan land-
steinanna yfir páskana, þrettán pró-
sent heima en tíu prósent erlendis.
Níu prósent ætla að vera á skíðum.
Þá kemur fram í könnuninni að
sautján prósent verða við vinnu, tíu
prósent við lærdóm – og loks munu
yfir fjörutíu prósent gæða sér á
páskaeggjum. ■
Flestir slappa af um páskana
Um helmingur ætlar að gæða sér á
góðum mat á komandi frídögum.
benediktboas@frettabladid.is
SAMFÉLAG Borgarráð hefur sam-
þyk kt tillögu mannréttinda-,
nýsköpunar- og lýðræðisráðs, um
að tryggja ókyngreind almennings-
salerni og búningsaðstöðu í nýju
húsnæði borgarinnar og þegar um
endurgerð er að ræða.
Samkvæmt þessari ákvörðun eiga
ókyngreind salerni og búningsað-
staða að vera í byggingum skóla- og
frístundar sem og annars staðar
í húsnæði borgarinnar sem opið
er almenningi. Í tilkynningu frá
borginni segir að mikilvægt sé að
öll svið Reykjavíkurborgar gangi í
takt og hafi sömu sýn er kemur að
því að útbúa aðstöðu fyrir öll kyn.
Könnun og samtal starfshóps við
skólastjórnendur hafi leitt í ljós að
sumir hinsegin nemendur veigri
sér við að nota kyngreinda aðstöðu
í skólum og ákall sé eftir einstakl-
ingsbundinni salernisaðstöðu í
skólum óháð kyni og kynvitund. ■
Ókyngreind salerni samþykkt
birnadrofn@frettabladid.is
VEÐUR Spáð er éljagangi eða sam-
felldri snjókomu vestan til á landinu
í dag, einkum á Snæfellsnesi og á
sunnanverðum Vestfjörðum. Fólki
sem hyggur á útivist á svæðinu eða
ferðalög er bent á að skoða veður-
spár vel og fara útbúið eftir veðri
eða jafnvel fresta útivist þar til
veðrið gengur niður.
Í Reykjavík má búast við suð-
austan 8-13 metrum á sekúndu í
dag og síðdegis gæti farið að snjóa
í borginni. ■
Útivistarfólk fylgist með veðurspám
Spáð er éljagangi eða samfelldri
snjókomu vestantil á landinu í dag.
Fyrirtækið Rusal er
ekki undir sérstökum
þvingunum en eigandi
þess er það hins vegar.
10 Fréttir 9. apríl 2022 LAUGARDAGURFRÉTTABLAÐIÐ