Fréttablaðið - 09.04.2022, Qupperneq 41

Margt hefur breyst á þeim
27 árum sem Sigríður Helga
Hermannsdóttir hefur
starfað hjá Wise. Konum
hefur fjölgað í faginu en fjöl-
breytni í kynjahlutfalli, aldri
og bakgrunni skiptir miklu
máli að hennar mati.
Það voru fáar konur starfandi í
upplýsingatækni hér á landi þegar
Sigríður Helga Hermannsdóttir,
forstöðumaður BC þróunarsviðs
hjá Wise, hóf nám í tölvunarfræði
við Háskóla Íslands haustið 1985.
Vorið áður hafði hún útskrifast
frá nýmáladeild Menntaskólans í
Reykjavík, eða f lugfreyjudeildinni
eins og hún var oft kölluð, og
stefndi á nám í íslensku eða lög-
fræði næsta vetur. „Þá heyrði ég
fyrir algjöra tilviljun viðtal við
mann í útvarpinu sem sagði að
tölvunarfræðin væri framtíðin
og þar væri störf framtíðarinnar
að finna. Mér fannst þetta mjög
spennandi. Mér hafði alltaf gengið
vel í stærðfræði í skóla þannig að
ég hugsaði með mér að þetta gæti
bara vel gengið. Lögfræðin byrjaði
seinna þetta haustið og því gat ég
alltaf skipt um stefnu. En eftir að
ég byrjaði í tölvunarfræðinni var
ekki aftur snúið.“
Sá mörg spennandi tækifæri
Námið reyndist mjög skemmtilegt
og þar kynntist Sigríður mörgu
áhugaverðu fólki. „Á þessum tíma
var mikill uppgangur í faginu og
stór hópur byrjaði í tölvunarfræði
á sama tíma og ég, þar af margar
frábærar konur sem ég hef fylgst
með gera frábæra hluti í greininni
á undanförnum áratugum. Mér
fannst tölvunarfræðin strax
vera skemmtilegt nám. Það var
spennandi að uppgötva tæknina
á þessum tíma og endalausar
nýjungar í faginu. Ég sá strax fyrir
mér mörg spennandi tækifæri til
framtíðar enda er tölvunarfræðin
ótrúlega spennandi vettvangur til
að starfa á.“
Fjölbreytt verkefni í upphafi
Eftir útskrift frá Háskóla Íslands
hélt Sigríður til Montreal í Kanada
þar sem hún hóf meistaranám í
tölvunarfræði við McGill Univer-
sity. „Eftir útskrift starfaði ég þar
í skamman tíma áður en ég hélt
aftur heim til Íslands og hóf störf
hjá Wise árið 1995.“
Sigríður hóf fyrst störf sem for-
ritari, sérhæfður í viðskiptahug-
búnaði, hjá Wise. „Á þessum tíma
var mikill uppgangur í greininni
hér á landi. Mörg fyrirtæki voru
með lítinn viðskiptahugbúnað
innanhúss og margt spennandi
að gerast. Ég var að mestu leyti
að forrita en þar sem margir
viðskiptavina okkar voru lítil
fyrirtæki fylgdi óhjákvæmilega
starfinu líka ráðgjöf og upp-
setning hugbúnaðar. Ég var mikið
úti hjá fyrirtækjum og kynntist
vel starfsfólkinu og vinnuferlum
innan ólíkra fyrirtækja. En í
grunninn var ég þó alltaf tækni-
manneskja að sinna forritun.“
Var vel tekið
Þegar Sigríður hóf störf hjá Wise
voru fáir kvenkyns forritarar
starfandi hér á landi og raunar
fáar konur starfandi í upplýs-
ingatækni. „Ég var mjög oft eina
konan í hópnum. Mér var þó alltaf
vel tekið og fann nær alltaf fyrir
jákvæðu viðmóti frá öðrum, bæði
samstarfsfólki og viðskiptavinum.
Þó man ég eftir einu skipti þegar
það átti að senda mig til útlanda,
en þá var óskað eftir einhverjum
sem gengi ekki í pilsi. Ég fór nú
samt og verkefnið gekk vel.“
Frá upphafi hefur stefnan hjá
Wise verið að fjölga konum og
segist Sigríður hafa séð miklar
breytingar á undanförnum árum.
„Bara á síðustu 5-6 árum hef ég séð
breytingar á kynjahlutfalli umsækj-
enda um störf hjá okkur. Nú sjáum
við miklu fleiri umsækjendur
en áður sem eru konur. Ég sé líka
breytingar hjá tölvunarfræðinem-
endum sem koma í vísindaferðir til
okkar. Á árunum í kringum hrun
sá ég varla konu en nú er staðan allt
önnur. Þar spila líka inn í ýmis átök
sem hafa þau markmið að auka
hlut kvenna í tölvunarfræði, og við-
burðir á borð við UT-messuna.“
Fjölbreytnin skiptir máli
Það hefur alltaf verið markmið
stjórnenda hjá Wise að jafna
kynjahlutföll en líka að huga
almennt að fjölbreytni meðal
starfsmanna þegar kemur að aldri
og bakgrunni, að sögn Sigríðar.
„Við trúum því að slík fjölbreytni
skili sér í betri árangri hjá okkur
og betri hugmyndum. Hjá Wise
starfar fólk á ólíkum aldri, reynslu-
boltar og nýútskrifaðir, með
fjölbreytta menntun á borð við
tölvunarfræði, ensku, viðskipta-
fræði og verkfræði. Mismunandi
viðhorf og reynsla skilar sér nefni-
lega þegar kemur að því að finna
góðar lausnir í ólíkum verkefnum
og þjónustu við viðskiptavini í
ólíkum atvinnugreinum.
Ýmislegt breyst á starfsferlinum
Þótt margt hafi breyst í upp-
lýsingatækni frá því Sigríður hóf
störf hér á landi segir hún starf
sitt í grunninn lítið hafa breyst,
það snúist fyrst um fremst um að
þróa og selja viðskiptahugbúnað
til fyrirtækja og stofnana. „Þótt
að grunnþarfir viðskiptavina
okkar hafi kannski ekki mikið
breyst á þessum tíma, þá erum við
ávallt að fást við nýjar þarfir og
nýjar áskoranir, núna til dæmis
er mikill fókus á stafræna vegferð
og sjálfvirknivæðingu ferla. Og
svo hefur tæknin auðvitað tekið
gríðarlegum framförum og nánast
verið í veldisvexti sl. ár. Áður fyrr
voru nær allir viðskiptavinir okkar
með viðskiptakerfin í húsi eða
hjá þjónustuaðila. Í dag eru flestir
í skýinu. Margir viðskiptavinir
okkar kunnu lítið sem ekkert á
tölvur í upphafi starfsferils míns
en í dag eru miklar kröfur á okkur
og miklu meiri þekking innan
fyrirtækja þegar kemur að upp-
lýsingatækni almennt.“
Vonast eftir góðu sumri
Þrátt fyrir annasamt starf gefur
Sigríður sér líka tíma til að njóta
lífsins utan vinnunnar. „Ég hef
lengi haft mikinn áhuga á útivist
og geng mikið um landið. Okkur
hjónunum finnst einnig mjög
gaman að ferðast og elskum að
ferðast saman, en hann starfar
einnig í upplýsingatækni. Eftir tvö
mögur ferðaár sökum heimsfarald-
urs stefnum við á gott ferðasumar
og ætlum m.a. að heimsækja
Kanada, en maðurinn minn kemur
einmitt þaðan.“ n
Bara á síðustu
fimm til sex árum
hef ég séð breytingar á
kynjahlutfalli umsækj-
enda um störf hjá okkur.
Nú sjáum við miklu fleiri
umsækjendur en áður
sem eru konur.
Sigríður Helga Hermannsdóttir
Tilviljun réði því
að tölvunarfræðin
varð fyrir valinu
„Mér fannst
tölvunarfræðin
strax vera
skemmtilegt
nám. Það var
spennandi
að uppgötva
tæknina á
þessum tíma
og endalausar
nýjungar í fag-
inu,“ segir Sig-
ríður Helga Her-
mannsdóttir,
forstöðumaður
BC þróunarsviðs
hjá Wise.
fréttablaðið/
EYÞÓr
kynningarblað 3LAUGARDAGUR 9. apríl 2022 Konur í upplýsingaTæKni