Fréttablaðið - 09.04.2022, Qupperneq 43

Advania leggur mikla
áherslu á að skapa fjöl-
skylduvænar aðstæður og
gera starfsfólki sínu kleift
að vaxa í starfi. Þar er líka
starfsemi sem er ætlað
að veita kvenkyns starfs-
mönnum innblástur og auka
fjölbreytni í tæknigeiranum,
enda skapar jöfnuður alltaf
betri og heilbrigðari fyrir-
tæki.
„Advania á rætur sínar að rekja til
ársins 1939 þegar Einar J. Skúlason
stofnaði viðgerðarþjónustu á skrif-
stofubúnaði. Árið 2012 sameinast
svo SKÝRR, HugurAx, Kerfi AB í
Svíþjóð og Hands AS í Noregi og
Advania verður til. Í dag starfa
svo rúmlega 600 sérfræðingar hjá
Advania við að einfalda dagleg
störf viðskiptavina með snjallri
nýtingu á upplýsingatækni,“ segir
Íris Sigurðardóttir, kerfisstjóri hjá
Advania.
„Ég myndi segja að einstak-
lega gott starfsumhverfi þar
sem er stutt við starfsfólk og því
gefið tækifæri að þróast í starfi sé
sérstaða Advania, en fyrirtækið
leggur sig líka fram við að veita
framúrskarandi þjónustu. Þjón-
ustulundin er ríkjandi í vinnuum-
hverfinu og maður finnur hana
vel, sérstaklega í samskiptum við
samstarfsfólk, sem er alltaf til í að
aðstoða hvert annað.“
Tæknigeirinn er fjölskylduvænn
„Það er mikill vilji innan veggja
Advania til að fá fleiri konur til
sín og bara inn í þennan geira
almennt. Hér starfar fólk sem
hefur ástríðu fyrir því sem það
gerir, hvort sem það snýr að tækni
eða jafnréttismálum. Advania
hefur líka markvisst verið að
hvetja konur til að koma í tækni-
geirann síðustu ár,“ segir Íris.
„Fyrir einu og hálfu ári síðan fór
Advania af stað með átak ásamt
Íslandsbanka, NTV og Promennt,
þar sem konur voru hvattar til að
sækja sér nám í kerfisstjórnun en
hlutfall kvenna í kerfisstjórnun
hefur verið töluvert lægra en í
tölvunarfræði og hugbúnaðar-
verkfræði. Það átak varð til þess
að ég ákvað sjálf að sækja um og
Advania styrkti mig að hluta í því
námi. Ég kláraði námið um ára-
mótin og nú starfa ég sem kerfis-
stjóri innan rekstrarlausna.
Ég verð að viðurkenna að ég var
smá stressuð þegar ég ákvað fara
í nám með fram vinnu og með
fjölskyldu, en ég hugsaði að þetta
hlyti að reddast!“ segir Íris. „Þetta
reyndist vissulega krefjandi ár, en
það var innilega þess virði. Advania
sýndi mér mikinn stuðning meðan
á náminu stóð og ég gat nýtt mér
sveigjanlegan vinnutíma. Í raun er
vinnuumhverfið í tækniheiminum
sniðið fyrir konur, því það er svo
fjölskylduvænt. Þú getur auðveld-
lega unnið heima og möguleikinn á
sveigjanlegum vinnutíma er marg-
falt meiri. Svo eru líka næg tækifæri
til að þróast í starfi.“
Fékk að blómstra í nýsköpun
Erla Harðardóttir er vörustjóri og
vörueigandi og sinnir verkefna-
stýringu hjá Advania.
„Sem vörustjóri fæ ég að móta
sýn, stefnu og vegvísi varanna sem
ég er í forsvari fyrir. Þetta er gríðar-
lega skemmtileg og fjölbreytt
vinna og enginn dagur er eins,“
segir hún. „Ég var svo heppin að
fá að taka þátt í risastóru nýsköp-
unarverkefni síðustu ár í formi
stafrænnar viðburðalausnar, sem
við köllum Velkomin. Hugmyndin
vaknaði þegar halda þurfti hina
árlegu Haustráðstefnu Advania í
stafrænum heimi vegna samkomu-
takmarkana, en krafan þá var
gagnvirk lausn sem myndi fanga
athygli þátttakenda og skapa upp-
lifun sem var sem næst því að vera
á staðnum.
Þessi nýsköpun gerði það að
verkum að einstaklingarnir sem
komu að lausninni urðu hratt sér-
fræðingar í stafrænum viðburðum
og við höfum aðstoðað ótal
samtök og fyrirtæki við að koma
viðburðahaldinu þeirra á netið,
að hluta til eða alveg,“ segir Erla.
„Þetta spilar stórt hlutverk í sjálf-
bærnistefnum flestra fyrirtækja,
en með því að taka skrefið og hafa
viðburði að hluta til eða alveg staf-
ræna er hægt að minnka kolefnis-
spor þeirra umtalsvert.
Ég er lærður tölvunarfræðingur
og kom inn í fyrirtækið sem slíkur.
Advania er hins vegar kjörinn
staður til að þróast í starfi og ég hef
fengið að prófa og læra ýmislegt
sem ég er mjög þakklát fyrir. Mig
langaði alltaf að spreyta mig á
verkefnastýringu og þegar ég tók
við stafrænu viðburðalausninni
Velkomin var eins og það starf
hefði verið búið til fyrir mig,“ segir
Erla. „Það er mjög dýrmætt að fá að
taka þátt í að móta starf frá grunni
og bæta við sig eftir því sem maður
treystir sér til.“
Dýrmætt að fá leiðsögn frá
konum
Advania er með svokallað kven-
mentor-prógramm innanhúss og
Erla hefur notið aðstoðar leiðtoga í
gegnum það.
„Það gengur út á að veita konum
innan fyrirtækisins innblástur
og auka fjölbreytni í tæknigeir-
anum. Ein leið til þess er að fjölga
kvenfyrirmyndum og efla konur í
starfi með því að miðla þekkingu
og reynslu þeirra á milli,“ segir
Erla. „Það er ótrúlega dýrmætt að
setjast niður með reyndum leið-
toga og fá ráð og geta fengið svör
við spurningum og vangaveltum.
Ég vonast til að koma út úr pró-
gramminu með aukið sjálfstraust,
aukna sjálfsþekkingu og betri
markmiðasetningu.
Það er mikilvægt að hafa kven-
fyrirmyndir í tækni vegna þess
að tæknigeirinn hefur alltaf verið
litaður af karlmönnum – og þá
sérstaklega leiðtogahlutverkin.
Þegar ég byrjaði í tölvunarfræði
voru aðeins örfá ár frá því að það
var hægt að telja fjölda kvenna í
náminu á annarri hendi,“ útskýrir
Erla. „Nú eru sífellt f leiri konur að
sækja um nám í tæknigeiranum
og það er mikilvægt fyrir þær að
hafa fyrirmyndir. Það gefur þeim
aukinn eldmóð og kraft til að
stefna hærra og konur eiga alveg
jafn mikið erindi á toppinn í
tæknigeiranum og karlar.
Ég myndi vilja hvetja allar konur
sem hafa einhvern áhuga á tækni
til að kynna sér málið almenni-
lega. Þetta er gríðarstór heimur
með óendanlegum starfsþró-
unarmöguleikum sem er ótrúlega
gaman að vera partur af,“ segir
Erla.
Jöfnuður skapar betri fyrirtæki
„Í Microsoft-heiminum er hver
dagur ólíkur. Við leggjum alltaf
áherslu á viðskiptavini okkar
en líka á að bæta kerfi, ferla og
söluaðferðir, ásamt því að fylgjast
með hinum stöðugu breytingum
í heimi Microsoft,“ segir Beren-
ice Barrios, deildarstjóri Micro-
soft lausna. „Þegar ég byrjaði hjá
Advania í maí 2020, á hápunkti
heimsfaraldursins, vissi ég að ég
þyrfti að skapa starfshóp sem
gæti sinnt nýsköpun, miðaði að
stöðugri þróun og stæði ekki á
sama í nýjum og breyttum heimi.
Það þýddi að ég þurfti að leita að
nýju fólki og það vildi svo til að
konur uppfylltu þessar kröfur.
Það er eitthvað sérstakt sem
gerist þegar kynjahlutföll verða
jöfn í starfshópum og deildum. Það
breytti menningunni í fyrirtækinu
okkar og fyrir vikið varð fjölbreyti-
leiki kynjanna í deildinni okkar
mun meiri. Nú er meiri samvinna
og nýjar hugmyndir og sjónarhorn
komu fram,“ segir Berenice.
„Til að vera heilbrigðara fyrir-
tæki með meiri jöfnuð þurfum
við að sýna í verki að við styðjum
jafnrétti kynjanna og sýnileika
minnihlutahópa og fólks með
ólíkan bakgrunn,“ segir Berenice.
„Við þurfum fleiri konur í tækni
og leiðtogastöðum og við þurfum
fleiri bandamenn til að komast
þangað.“
Valdefling bandamanna
skiptir öllu
„Ég hef lært að það áhrifaríkasta
sem hægt er að gera fyrir aðra er
að valdefla þá. Hurðin opnast
ekki bara fyrir konum. Ég hef enst
í meira en fimmtán ár í þessum
geira og kem frá landi með karl-
læga menningu, en komst samt
í leiðtogahlutverk í einu stærsta
tæknifyrirtæki Íslands vegna
þess að ég hafði aðgang að tæki-
færum sem aðrir höfðu ekki,“
segir Beren ice. „Auðvitað vann ég
hörðum höndum til að nýta þau
til fullnustu, en það voru tengslin
sem ég skapaði og aðrir sköpuðu
fyrir mína hönd, sem komu mér á
framabrautina.
Við þurfum að vera bandamenn
fyrir aðra ef við viljum skapa
tæknigeira og land þar sem jöfn-
uður ríkir. Þá stendur fólk aldrei
eitt og ef fólki líður ekki eins og
það standi eitt verður auðveldara
fyrir það að leggja sitt af mörkum
og finna sjálfsöryggi til að segja
hluti sem fara gegn straumnum
eða bjóða upp á nýtt sjónarhorn,“
segir Berenice. „Að valdefla ein-
hvern þýðir að stíga fram og vera
virkur bandamaður þeirra.“ n
Leggja áherslu á jöfnuð til að styrkja fyrirtækið
Erla Harðar-
dóttir, Íris
Sigurðardóttir
og Berenice
Barrios eru mjög
ánægðar hjá
Advania.
FRÉTTABLAÐIÐ/
ANTONBRINK
Það er mikilvægt
að hafa kvenfyrir-
myndir í tækni vegna
þess að tæknigeirinn
hefur alltaf verið litaður
af karlmönnum – og þá
sérstaklega leiðtogahlut-
verkin.
Erla Harðardóttir
kynningarblað 5LAUGARDAGUR 9. apríl 2022 konur í uppLýsingatækni