Fréttablaðið - 09.04.2022, Síða 89

Við erum lánsöm
að hafa afar fjöl-
breyttan hóp innan
Stafræns Íslands. Kynja-
hlutfallið er jafnt, sem ég
er afar stolt af, enda hef
ég nánast aldrei unnið í
slíku umhverfi. Frá því
að ég var eina konan í
tímum í háskólanum og
í gegnum allan minn
hugbúnaðarferil hef ég
alltaf verið í minnihluta
sem kona. Ég er líka svo
glöð að hugbúnaðar-
teymin sem við vinnum
með eru mjög fjölbreytt,
það er gefandi að vinna í
slíku umhverfi.
Hrefna Lind Ásgeirsdóttir
Hrefna Lind Ásgeirsdóttir,
tækni - og þróunarstjóri
Stafræns Íslands, var fyrsta
konan sem útskrifaðist úr
hugbúnaðarverkfræði frá
Háskóla Íslands fyrir 20
árum, en á þeim tíma var
þetta nýtt nám.
Í störfum sínum í tæknigeiranum
síðan þá hafa konur löngum verið
í minnihluta á hennar vinnustöð-
um og stundum hefur hún verið
eina konan í hópi karla. Stafrænt
Ísland er fyrsti vinnustaðurinn
sem hún vinnur á þar sem algert
jafnræði er milli kynja.
„Sem betur fer hafa margar
stelpur útskrifast á eftir mér. Ég
hef unnið í hugbúnaðargeiranum
alveg frá útskrift, fyrir utan þau tvö
ár sem ég stundaði mastersnám í
stafrænni hönnun við háskólann í
Edinborg.
Ég hef prófað mig áfram í geir-
anum og ætli ég hafi ekki sinnt
öllum störfum sem koma að því
að þróa hugbúnað. Ég hef meðal
annars verið forritari, prófari,
vörustjóri og framkvæmdastjóri. Í
seinni tíð hef ég aðallega komið að
því að stýra hugbúnaðarteymum
og verkefnum og hef bætt við mig
MBA-gráðu frá Háskólanum í
Reykjavík til að styrkja mig í þeim
hlutverkum.“
Hrefna starfar hjá Stafrænu
Íslandi, en hlutverk þess er að búa
til lausnir er snúa að því að bæta
opinbera þjónustu í samstarfi við
stofnanir, með það að markmiði að
létta og einfalda líf landsmanna.
„Það eru forréttindi að fá að
vinna að verkefnum sem hafa
áhrif á þitt eigið líf og í raun allra í
kringum þig. Ég þurfti til dæmis að
sækja um vegabréf fyrir son minn
um daginn sem krafðist útprent-
unar, undirskrifta og bílferða. Þá
var svo gaman að hugsa til þess að
Stafrænt Ísland er einmitt að vinna
að því með sýslumönnum og Þjóð-
skrá að gera þetta ferli stafrænt til
að stytta sporin og spara tíma. Það
er rosalega gefandi að vinna að
slíkum verkefnum.
Við erum líka í mjög tæknilega
krefjandi verkefnum eins og nýrri
innskráningarþjónustu, en þar
fær nördinn í manni að blómstra.
Verkefnin hjá Stafrænu Íslandi
finnast mér spennandi því að hér
höfum við tækifæri til að endur-
hugsa hluti eins og tæknilega inn-
viði og nýta okkur nýjustu tækni
eins og skýjaþjónustur og sjálf-
virkni við útgáfur hugbúnaðar.“
Notandinn í fyrsta sæti
Hjá Stafrænu Íslandi starfa 12
manns en verkefnastofan er hluti af
Fjármála- og efnahagsráðuneytinu.
„Við vinnum öll okkar verkefni með
helstu hugbúnaðarfyrirtækjum
landsins í gegnum þverfaglegt
útboð. Ekki líður sá dagur að maður
læri ekki eitthvað nýtt, en sam-
starfsaðilar okkar eru með ótrúlega
frjótt og útsjónarsamt starfsfólk
sem hefur notandann alltaf í fyrir-
rúmi. Verkefnin eru unnin í sam-
starfi við stofnanir sem hafa tekið
vel í stafræna umbreytingu því
að þær vilja veita viðskiptavinum
sínum betri þjónustu. Ég held að ég
geti fullyrt að við séum öll stolt af
því að vinna að þessum verkefnum
í sameiningu.“
Fjölbreytni tryggir betri þjónustu
Hrefna segir að ef búa eigi til
hugbúnað sem nær til fjölbreytts
notendahóps, verði hugbúnaðar-
teymin sem þróa hann að vera
fjölbreytt sömuleiðis. „Maður er
gjarn á að hugsa veruleikann bara
út frá sjálfum sér og þess vegna er
mikilvægt fyrir vinnuveitendur að
hafa fjölbreyttan hóp sem kemur
að þróun hugbúnaðar. Þegar ég
segi fjölbreytni á ég ekki bara við
blöndun kynja heldur líka fjöl-
breytni í aldri, uppruna og reynslu.
Við erum lánsöm að hafa afar
fjölbreyttan hóp innan Staf-
ræns Íslands. Kynjahlutfallið er
jafnt, sem ég er afar stolt af, enda
hef ég nánast aldrei unnið í slíku
umhverfi. Frá því að ég var eina
konan í tímum í háskólanum og í
gegnum allan minn hugbúnaðar-
feril hef ég alltaf verið í minni-
hluta sem kona. Ég er líka svo glöð
að hugbúnaðarteymin sem við
vinnum með eru mjög fjölbreytt,
það er gefandi að vinna í slíku
umhverfi.“
Jafnt kynjahlutfall og
fjölbreytt reynsla
Hrefna segir mikilvægt að konur
grípi tækifærin þegar þau gefast.
„Þegar ég var beðin um að taka að
mér að vera tækni- og þróunarstjóri
Stafræns Íslands, efaðist ég fyrst um
sjálfa mig og fannst ég ekki vera fær
um að sinna slíku hlutverki, enda
hafði ég ekki forritað í mörg ár.
Við konur og stelpur erum gjarnar
að hugsa svona og efast um okkur
sjálfar. Ég áttaði mig hins vegar
fljótt á því að ég kem með aðra
reynslu að borðinu þegar kemur
að hugbúnaðargerð og er góð í alls
konar öðru en akkúrat forritun. Það
er líka ástæðan fyrir því að maður
umkringir sig góðu samstarfs-
fólki, því að maður getur ekki verið
bestur í öllu sjálfur.“
Hún segir mikilvægt fyrir konur
að þora að stökkva því að þær séu
fyrirmyndir næstu kynslóða. „Ég
er svo stolt af því að dætur bróður
míns, sem eru þær fyrstu af þeim
ættlið í fjölskyldunni til að velja
sér háskólanám, hafa báðar valið
sér hugbúnaðarverkfræði. Þó að
ég eigni mér ekki heiðurinn af því,
enda eru báðir foreldrar þeirra
í tæknibransanum, þá hef ég að
minnsta kosti lagt mitt af mörkum
til að vera sterk kvenfyrirmynd í
tæknigeiranum fyrir þær og aðrar
stelpur.“
Að sögn Hrefnu eru störf innan
hugbúnaðargeirans ótrúlega fjöl-
breytt og menntun í verkfræði og
tækni mun alltaf koma sér vel. „Ég
byrjaði ferilinn sem forritari og það
hefur hjálpað mér gríðarlega að
hafa þennan grunnskilning við að
stýra stórum og flóknum hugbún-
aðarverkefnum. Þess vegna mæli
ég eindregið með því fyrir stelpur
að prófa það starf. Ég nefni það sér-
staklega því að mér hefur fundist
kynjahallinn mestur þar innan
geirans.“
Hugbúnaðargerð helsta
áhugamálið
Hrefna og maður hennar, Tryggvi
Jónsson, búa í Kópavogi ásamt
fjórum börnum sínum og að sögn
Hrefnu eru þau samsett nútíma
fjölskylda. Tryggvi er líka verk-
fræðingur og vinnur hjá Marel
við hugbúnaðargerð og því má
segja að þau hjónin lifi og hrærist
í tæknimálum. „Hugbúnaðargerð
er bæði vinnan okkar og áhugamál
en við settum okkur einhvern
tímann reglu í gríni að tala ekki
um vinnutengd mál fyrr en við
erum komin með kaffibolla í hönd.
Líf okkar utan vinnu snýst mikið í
kring um krakkana okkar en þau
eru á þeim aldri að íþróttamót,
tónleikar og fleira í þeim dúr er
fyrirferðarmikið. Annars elskum
við að ferðast saman og vera úti
í náttúrunni og kynna krakkana
fyrir nýjum stöðum og upplif-
unum,“ segir Hrefna Lind Ásgeirs-
dóttir að lokum. ■
Fjölbreytni lykill
að betri lausnum
Hrefna Lind Ásgeirsdóttir, tækni- og þróunarstjóri Stafræns Íslands, var fyrsta konan sem útskrifaðist úr hugbúnaðarverkfræði frá Háskóla Íslands. FRÉTTABLAÐIÐ/ANTON BRINK
kynningarblað 11LAUGARDAGUR 9. apríl 2022 Konur í upplýsingatæKni