Andvari - 01.01.2013, Blaðsíða 46

44
JÓN SIGURÐSSON
ANDVARI
voru á þeim tíma hluti dönsku Frímúrarareglunnar. Var þegar mynduð
ný yfirstjórn hér og Vilhjálmur Þór varð ritari hennar. Hann tók síðan
mjög virkan þátt í starfi, undirbúningi og stofnun Frímúrarareglunnar
á íslandi en þeim áfanga var náð 23. júlí árið 1951.
Tveir fyrstu forsetar íslands, Sveinn Björnsson og Asgeir Asgeirsson,
voru stórmeistarar Frímúrarareglunnar á Islandi. Vilhjálmur Þór var um
skeið staðgengill þeirra hvors um sig í æðstu stjórn reglunnar. Síðasta
stórvirki Vilhjálms Þór á vegum frímúrara er núverandi Regluheimili
að Skúlagötu 55 í Reykjavík sem tekið var í notkun í ársbyrjun 1972.
Þeir félagsbræður sem komu að byggingunni með Vilhjálmi hafa allir
borið um harðfylgið og dugnaðinn, útsjónarsemina og áhugann sem
einkenndu forystu hans.
í afmælisriti Frímúrarareglunnar sem gefið var út 2001 segir svo um
Vilhjálm Þór: „Hann var frá upphafi óvenju áhugasamur um frímúrara-
starfið og að öðrum ólöstuðum var hann virkastur allra bræðra hér á
landi og kjarkur hans og atorka með eindæmum enda sópaði að honum
hvar sem hann var. Hann var meðal allra fremstu brautryðjenda frímúr-
arastarfs hér á landi alla ævi og einna fremstur í flokki þeirra sem stóðu
að stofnun Frímúrarareglunnar á Islandi.“
VIII
Samtímamenn og samverkamenn Vilhjálms Þór í Eyjafirði kunnu vel
að meta störf hans fyrir Kaupfélag Eyfirðinga á fyrri hluta ævi hans.
í afmælisriti um Kaupfélag Eyfirðinga árið 1936 segir meðal annars:
„Undir stjórn hans hefur félagið náð mestri útbreiðslu og mest verið
framkvæmt.... Leikur það ekki á tveim tungum að hann muni vera með
snjöllustu kaupsýslumönnum landsins. ... Hann er einn þeirra manna
sem hafa óbifanlega trú á samvinnu og samtökum sem heillavænlegri
leið til aukinnar menningar og hvers konar framfara. Vilhjálmur Þór er
óvenjuskyggn á allt það er getur orðið félaginu til eflingar og hagsbóta.
En hann er eigi síður glöggur á allt sem félaginu kann að stafa hætta af.
Er hann harður í horn að taka ef honum þykir mikið við liggja. Hann
er öruggur foringi, hvort sem er til sóknar eða varnar hag félagsins, og
heldur á málefnum þess með festu og skörungsskap. Hann er trúr hug-
sjónum sínum og störfum, enda nýtur hann trausts og virðingar allra
sem honum kynnast.“