Heilbrigt líf - 01.06.1952, Page 57

stígur hitinn snögglega og fer um 0,3 til 0,5 gráðum úpp
fyrir lágmarkið og helzt síðan á sama hitastigi fram að
næstu tíðum, en 24 til 36 klukkustundum áður en tíðir
byrja, fellur hitinn snögglega. Stundum lækkar hitinn
smávegis áður en hann stígur, og vilja sumir álíta, að þá
fari egglosið fram, sem vel getur verið, en hitalækkunin
og áframhald hennar orsakast af framleiðslu sérstaks
hormons. Þegar hitinn hækkar er frjósemistíminn og þá
getur getnaður átt sér stað. Ef nú konan verður barns-
hafandi, fellur hitinn ekki, tíðirnar falla niður og hitinn
heldur áfram að vera hækkaður í nokkra mánuði. Ná-
kvæm hitatafla, sem er haldin daglega í nokkra mánuði,
gefur ágætar sannanir fyrir egglosun konunnar. Sam-
tímis fær læknirinn upplýsingar um frjósemi konunnar,
um kynferðislíf hennar og daglegt líf og getur gefið henni
leiðbeiningar á sviði, sem alltaf er erfitt að fá upplýs-
ingar um.
Þessar hitamælingar eru hagkvæmasta og þægilegasta
aðferðin til þess að ákveða tímann þegar egglos fer fram
og um leið hvenær heppilegast er að hafa samfarir til þess
að frjóvgun geti átt sér stað.
Sú skoðun hefur smátt og smátt rutt sér til rúms, að
mikill hluti af ófrjósemi eigi rætur sínar að rekja til
truflana á innrennsliskirtlunum. Svo er þó ekki, nema
þegar um meiriháttar truflun er að ræða og sem betur
fer er það tiltölulega sjaldgæft, því það er svo sorglega
lítið hægt að gera fyrir það fólk. Hins vegar er oft um
minniháttar truflanir að ræða, bæði í konum og körlum,
sem annars eru alveg eðlileg á að sjá. Þetta er oft mynd-
arlegt og hraustlegt fólk, en kynfærin eru lítið þroskuð
og að sama skapi ófullkomið karl- eða kveneðli.
Fimmta aðferðin til þess að athuga ófrjósemi miðar að
því, að athuga hvort eggvegirnir séu opnir. Um svipað
leyti og menn komu auga á þýðingu egglosins í ófrjósemi,
Heilbrigt líf
55