Heilbrigt líf - 01.06.1952, Blaðsíða 61

og örugg aðferð og lítið meiri aðgerð en að fara inn í
kviðarholið með „kviðarholssjá" og að því leyti betri, að
sé aðgerðar þörf, er hægt að gera hana í sama skipti.
Ennþá hefur ekki tekizt að finna neitt það lyf, sem
geti örvað starfsemi þeirra eggjakerfa, sem einhverra
hluta vegna eru ófullkomin í starfsemi. Ýmislegt hefur
verið reynt, bæði af hormonum og bætiefnum, en mjög
lítill árangur fengizt af því. Á seinni árum hefur mikið
verið athugað sérstakt efni, sem fyrirfinnst í ýmsum vefj-
um líkamans og hefur þann eiginleika að eyða eðlilegum
samfestum vefjanna og komast þannig í gegnum þá. Þetta
efni er álitið vera að verki þar sem illkynjuð æxli ryðja
sér braut inn í líkamsvefina, ennfremur fylgjuvefur, sýkl-
ar og önnur litarefni. í sambandi við frjóvgunina er við-
fangsefnið það, hvernig eggblöðrufrumurnar séu eyðilagð-
ar til þess að frjóvgunin geti farið fram. Það hefur verið
sannað, að fyrrnefnt efni hefur þann eiginleika að eyða
yzta frumulaginu, sem umlykur eggið eftir að það er komið
inn í leggöngin. Það er talið, að sá gífurlegi fjöldi sæða,
sem losnar við sáðlosið, sé ef til vill til þess að flytja með
sér þetta efni, sem greiðir götu sæðanna að egginu og
gerir þar með þessu eina, sem nægir til þess að frjóvga
eggið, kleift að framkvæma það.
Rannsóknir hafa leitt í ljós, að þetta efni vantar, þar
sem of lítið er framleitt af sæði og sumir, sem fengizt hafa
við rannsóknir á þessu, telja það sannað, að jafnvel þótt
sæðiskornin séu eðlileg að hreyfanleika, fjölda og útliti,
þá getur verið of lítið af þessu efni eða það jafnvel vant-
að alveg. Þetta virðist því stundum geta verið eina or-
sökin til þess, að hjónaband er barnlaust. Það er áætlað,
að til þess að leysa upp yzta frumulag eggsins, þurfi það
magn af fyrrnefndu efni, sem kallast hyaluronidase, sem
svarar til 20 milljóna sæðiskorna.
Heilbrigt líf
59