Læknaneminn - 01.09.1981, Qupperneq 74

Þegar allt kemur til alls hefur því lítið gerst í her-
bergismálum félagsins á starfsárinu. Við sitjum enn
ein að herberginu en skjöl félagsins eru nú í geymslu-
herberginu þar við hliðina. Hins vegar hafa hin her-
bergin tvö í FS verið tekin í notkun sem vinnu- og
fundaherbergi og hefur stjórn FL notið góðs af því.
Framtíðarlausn á þessu máli er að sjálfsögðu i
ónefndu húsi . ..
villa.
Niðurfelling á prófi í med. og kir. á 4. ári
Umræða meðal stúdenta 4. árs um væntanlegt próf
í med. og kir. hófst á ný strax í byrjun skólaárs.
Kraft fékk hún ekki fyrr en að loknu jólaleyfi, því
þá voru þeir fyrst færir um að ræða málin af nokkr-
um kunnugleik.
3 stúdentar settu á blað nokkra punkta, er þeir
töldu rök gegn væntanlegu prófi. Þetta voru gamlar
lummur sem núverandi 5. árs stúdentar og fleiri
höfðu bent á, um það leyti sem prófið var samþykkt.
Einu nýju rökin voru, að í ljósi tillagna 4. og 6. árs
námsnefnda (um breytt fyrirkomulag kennslu í med.
og kir.) og viðtökum sem þær fengu í kennslunefnd,
að sýnt þótti að núverandi 4. árs stúdentar yrðu þeir
einu sem þreyttu þetta próf. Þessir punktar voru
bornir undir fund stúdenta 4. árs, sem aftur skipaði
starfshóp til fullvinnslu þessa máls.
Stjórn hópsins skiptist í tvennt: í fyrsta lagi að
vinna upp undirskriftalista (það ku áhrifarík þrýsti-
aðferð á stjórn deildarinnar) og í öðru lagi að
kynna málflutning okkar sem flestum kennurum í
med. og kir.
Undirskriftalistinn var síðan ræddur á fundi
kennslunefndar og seinna á fundi kennara í med. og
kir. Báðar þessar samkundur kusu að fella prófið
niður.
Það var talið máli þessu til framdráttar, að ýms-
um „málsmetandi“ kennurum hafði snúist hugur
gagnvart prófinu.
Mar Kristjansson.
Reglur um sjúkrapróf
Á fundi í deildarráði 21. janúar sl. voru sam-
þykktar reglur um sjúkrapróf í læknadeild. Reglur
þessar voru unnar upp af nefnd deildarráðs lækna-
deildar, en í henni voru Sigmundur Magnússon,
Hannes Blöndal og Jón Jóhannes Jónsson stúdent.
Reglurnar eru svohljóðandi:
1. a) Regluleg próf fara fram eftir próftöflu, en þeim
prófum sem þá er ekki lokið, m. a. vegna veikinda
á próftíma eða námstíma, má Ijúka að hausti. Að
öðru leyti eru sérstök sjúkrapróf ekki haldin. Sjá
sérákvæði um próf á 1. og 6. ári.
b) Veikist stúdent í prófi skal það tilkynnt próf-
stjóra umsvifalaust.
2. Sérákvœði um janúarpróf 1. árs.
a) Stúdent á rétt á sjúkraprófi, ef hann er veikur
á próftíma eða veikist í prófi.
b) Veikist stúdent í prófi skal það tilkynnt próf-
stjóra umsvifalaust.
c) Beiðni um sjúkrapróf skal lagt fram ásamt veik-
indavottorði á skrifstofu deildarinnar eigi síðar
en á 2. degi eftir að reglulegt próf fór fram.
d) Sjúkrapmf skal halda áður en kennsla hefst á
vormisseri.
3. Sérákvœði um próf á 6. ári.
a) Ákvæði 2a), 2b) og 2c) gilda jafnframt.
b) Stúdent á rétt á sjúkraprófi ef hann hefur misst
verulega úr kennslu á námstíma. Próftími er á-
kveðinn með samkomulagi stúdents og kennara.
Akvœði um veikindavottorð:
4. Veikindavottorð skal byggt á læknisskoðun á með-
an á veikindum stendur. Skal það koma fram í
vottorðinu svo og hvenær læknisskoðunin fór
fram.
5. Um veikindavottorð fjallar kennslustjóri (ef
læknislærður) annars fulltrúi kennara í kennslu-
nefnd, tilnefndur árlega í upphafi hvers kennslu-
árs, þ. e. að hausti.
Hudur.
Námskannanir
Nú í haust urðu nokkrar umræður í stjórn FL um
námskannanir. Stjórnin var sammála um ágæti þessa
fyrirbæris og var ákveðið að vinna að þeim áfram í
samráði við fulltrúa stúdenta í námsnefndum. Á
fundi þessara aðila voru málin síðan rædd og búinn
til starfshópur sem skipaður var fólki úr stjórn og
námsnefndum. Starfshópurinn hafði úr tveimur
könnunum að spila, einni vesturheimskri og annarri
frá IFMSA, Alþjóðasamtökum læknanema. Hópur-
inn varð sammála um að könnunin frá IFMSA tæki
72
LÆKNANEMINN