Læknaneminn - 01.04.2020, Page 9

9
R
it
rý
n
t
e
fn
i
Á
vö
rp
o
g
an
ná
la
r
9
Haustönnin hófst á ný-
nema ferð í félags heimilið
Lyng brekku í Borgar firði,
þar sem 50 eld hressir ný-
nemar, ásamt ekki síður
hressum nemum af öðrum
árum, komu saman og
skemmtu sér langt fram
á nótt. Fulltrúaráð og stjórn FL slógu svo
saman í „back to school“ fögnuð í hliðarsal
Granda mathallar viku síðar, svo óhætt er að
segja að skólaárið hafi farið af stað af miklum
krafti.

Fleiri góðir viðburðir fylgdu í kjölfarið,
Spiritusvígslan í september og Læknaleikarnir
í nóvember. Mæting á báða þessa viðburði var
afburðagóð og skemmtu nemar af öllum árum
sér konunglega saman. Heilóvín, Halloween
partý Heilbrigðisvísindasviðs, fór fram sama
kvöld og Læknaleikarnir, þangað sem um 50
læknanemar lögðu leið sína og dönsuðu fram
eftir kvöldi.
Hamfaraárið 2020 hófst fyrir alvöru með
fyrsta viðburði vorannar, árlegri skíðaferð FL
og Curators. Um helmingur þeirra læknanema
sem fóru í ferðina lentu í alvarlegu rútuslysi
á leiðinni norður, þar sem ein úr okkar hópi
slasaðist illa. Næstu dagar og vikur voru
okkur öllum því afar erfiðar og einkenndust af
mikilli samstöðu og náungakærleik. Í kjölfar
slyssins naut hópurinn aðstoðar fjölmargra
viðbragðsaðila og sjálfboðaliða frá Blönduósi
og Skagaströnd, auk Rauða krossins,
Læknadeildar og Háskóla Íslands, og held
ég að ég tali fyrir hönd alls hópsins þegar ég
segi að fyrir allan þann stuðning erum við
óendanlega þakklát.
Fótboltamót læknanema fór fram í mars-
mánuði, þar sem lið 2021 árgangsins bar sigur
úr bítum. Færa þurfti mótið úr Hveragerði
yfir í Hafnarfjörð á síðustu stundu, vegna enn
einnar gulrar veðurviðvörunarinnar þennan
veturinn, en það kom ekki að sök og úr varð
hið fínasta mót.
Árshátíð Félags læknanema var á dagskrá
þann 18. apríl en heimsfaraldur og sam-
komu bann gerðu lítið úr þeim áformum.

Árshátíðar nefndin, skipuð meðlimum Fulltrúa-
ráðs og stjórnar FL, lét það ekki slá sig út af
laginu og vinnur nú að skipulagningu síð-
búinnar árshátíðar í lok sumars.
Vísindaferðir skólaársins voru hver annarri
skemmtilegri en fyrr nefndur heimsfaraldur
hafði að sjálfsögðu einnig áhrif á þær. Þeir
Aðalsteinn Dalmann Gylfason og Fannar
Bollason, annars árs Fulltrúaráðsliðar, eiga
þó mikið lof skilið fyrir skipulagningu og
utanumhald vísindaferðanna, og eiga vafa-
laust nokkrar góðar uppi í erminni fyrir næsta
skólaár.
Aðrir Fulltrúráðsliðar hafa staðið sig með
mikilli prýði í vetur og þakka ég þeim fyrir
virkilega gott og gjöfult samstarf. Það eru
þau Hafþór Sigurðarson og Herdís Eva
Hermannsdóttir á fyrsta ári og Thelma
Kristins dóttir, Sigrún Jónsdóttir og Signý Rut
Kristjánsdóttir á fjórða, fimmta og sjötta ári.
Kæru læknanemar, þetta skólaár hefur verið
ein allsherjar rússíbanareið. Ég vona innilega
að næsta ár verði öllu rólegra, þó ekkert verði
gefið eftir í félagslífinu. Bráðum kemur betri
tíð, það hlýtur bara að vera.
Fulltrúaráð
Aðalbjörg Ýr Sigurbergsdóttir
Formaður Fulltrúaráðs 2019-2020
Nú þegar líður að lokum
starfsárs stjórnar Lýð-
heilsu félags lækna nema
2019-2020 er við hæfi að
gera upp árið. Á undan-
förnum árum hefur
Lýðheilsu félagið tekið aðra
stefnu í viðburðum og eru það mikil for-
réttindi að fá að sjá félagið þróast og dafna.
Undir ritaður vill þakka Freydísi, Sóleyju,
Bryn hildi, Degi, Elínu, Gísla, Hrafni og Ástu
fyrir gott samstarf og frábært ár.
Það má segja að Lýðheilsufélagið hafi byrjað
starfsárið með trompi þegar það endur-
skipulagði félagsherbergið. Við settum upp
skápa sem nýtast vel til þess að halda utan um
hluti sem áður voru sam nemendum til ama.
Bangsaspítalinn var á sínum stað 22. sept-
ember á þremur heilsugæslustöðvum:
Efstaleiti, Höfða og Sólvangi. Félagið ákvað
að skipta út „röntgen-tækjunum“ fyrir nýja
og almennt betri myndvarpa. Ákveðið var
að hafa tvö tæki á hverri stöð því eftirspurn í
tækin hefur alltaf verið mikil og kom það vel
út. Starfsemin gekk hnökralaust fyrir sig og
biðtími fyrir krakkana minnkaði.
Félagið stóð fyrir könnun handa bangsa-
læknunum eftir daginn og fékk góð viðbrögð
en jafnframt mjög gagnlega punkta varðandi
það sem mætti betur fara. Félagið mun gera
sitt besta til að fylgja því eftir.
Í október hélt félagið fræðslukvöld um
ópíóíða faraldur. Stuttmyndin Heroin(e) var
sýnd og síðan kynntu Árni Johnsen og Kjartan
Þórsson kandídatar verðlaunaverkefni sitt
nidurtroppun.is. Um er að ræða skema á netinu
sem getur veitt læknum niðurtröppunaráætlun
á ópíóíðalyfjum fyrir sjúklinga sína.
Í febrúar fékk félagið Þorstein V. Einarsson,
meistaranema í kynjafræði við HÍ og
stofnanda Karlmennskunnar, til að halda
erindi með það að markmiði að hrista upp í
við teknum hugmyndum um karlmennsku og
kyn hlutverk. Virkilega áhugavert og jafnframt
mikilvægt umræðuefni.
Það hefur verið ánægjulegt að taka þátt
í verk efninu Sjálfselsk í ár sem hristi upp í
hvers dags leika læknanema og reif þá upp
úr bókunum þegar efnt var til fjallgöngu
á Helgafell. Ótrúlega skemmtilegur dagur og
mikil tilbreyting.
Einnig er vert að nefna að félagið átti fulltrúa
á FINO ráðstefnunni sem var í Reykjavík í
október/nóvember 2019 og fulltrúa á IFMSA
ráðstefnunni í Rúanda í mars 2020.
Að lokum vill undirritaður þakka öllum þeim
sem hafa mætt á viðburði og aðstoðað við
uppsetningu þeirra.
Lýðheilsufélag
læknanema
Daníel Arnar Þorsteinsson
Formaður Lýðheilsufélags læknanema
2019-2020