Læknaneminn - 01.04.2020, Síða 97

R
it
rý
n
t
e
fn
i
S
ke
m
m
ti
e
fn
i
o
g
p
is
tl
a
r
9
7
„Fæðinga- og kvensjúkdómalækningar eru svo
góð blanda af bæði medicine og kírúrgíu, krefst
snarprar hugsunar, fingrafimi og oft snöggrar
ákvarðanatöku. Þetta fag heldur manni alltaf
á tánum, áhuganum uppi og er aldrei leiðinlegt.“
Ýr Frisbæk, fæðinga- og kvensjúkdómalæknir
„Fjölbreyttir sjúkdómar, góðkynja og illkynja
og fjölbreyttur sjúklingahópur, ungir, gamlir
og öll kyn.“
Elsa Björk Valsdóttir,
kviðarholsskurðlæknir
„Hún er spennandi, krefjandi, hröð, gleðileg,
stundum sorgleg, líkamlega og andlega erfið og
alveg ótrúlega mögnuð.“
Eva Jónasdóttir, fæðinga- og
kvensjúkdómalæknir
„Ég veit ekki hvort sérgrein geti verið best. En taugalækningar eru
spennandi af því að viðfangsefnið er heilinn, og þar með hugsun,
hegðun, tilfinningar, kenndir og margt fleira spennandi. En eins
og góður skurðlæknir sagði: ef iðrin virka ekki er eins víst að þau
taki yfir hugsunina. Því er ég sammála.“
Haukur Hjaltason, taugalæknir
„Allar sérgreinar eru mikilvægar. Engin ein sérgrein er betri en önnur. Húð- og kynsjúkdómar eru afskaplega áhugaverð
sérgrein. Greinin er blanda af lyf-, skurð-, þvagfæraskurð-, barna- , krabbameins-, kvensjúkdóma- og öldrunarlækningum.
Lýst hefur verið yfir 3000 húðsjúkdómum og það er því fjölbreytt flóra sjúkdóma sem blasir við þeim sem stunda þessa
sérgrein. “
Bárður Sigurgeirsson, húð- og kynsjúkdómalæknir
„Hún er ekki endilega best
– heldur stærst!“
Halldór Jónsson jr,
bæklunarlæknir
„Innan nýrnalækninga færðu allar
sér greinar ly flækninga í einum
pakka og þar er klárlega mesti
nördaskapurinn!“
Sunna Snædal, nýrnalæknir
„Meltingarlækningar, kallast á ensku Gastroenterology and Hepatology. Sérgreinin er mjög fjölbreytt. Allir sérfræðingar
framkvæma speglanir, sem flestum finnst skemmtileg tilbreyting fyrir lyflækni. Að auki geta sumir stundað sérhæfðar
speglanir s.s. ERCP (endoscopic retrograde cholangio pancreatography) og EUS (endoscopic ultrasound). Lifrarlækningar eru
vinsæl sérhæfing innan meltingarlækninga og erlendis er oft innifalið að vinna við lifrarígræðslur. Einnig er mikilvægur
sjúklingahópur, sjúklingar með IBD (inflammatory bowel disease), sem krefst mikillar þekkingar í ónæmisfræði.
Gríðarlegar framfarir hafa orðið í meðferð með fjölmörgum lyfjum sem hafa áhrif á ónæmiskerfið. Sjúklingahópurinn
er mjög ungur miðað við aðrar sérgreinar lyflækninga. “
Einar Stefán Björnsson, meltingarlæknir
„Meinafræði er fræðigreinin um sjúkdóma og hvernig þeir umbreyta frumum og vefjum líkamans í sjúku ástandi. Meina-
fræðin tengist vel flestum öðrum sérgreinum læknisfræðinnar og einangrar sig ekki við t.d. eitt líffæri eða líffærakerfi.
Grunnurinn að réttri meðferð sjúklinga byggist á réttri meinafræðigreiningu. Varðandi daglegt starf þá er meinafræðingurinn
í því að „leysa gátur“ um sjúkt ástand vefja, sem þá geta skýrt einkenni sjúklings og gerir þetta sérgreinina einkar áhugaverða.
Meinafræðingar vinna náið með öðrum læknum, enda er lykill að réttri greiningu sjúkdóms oft byggð góðri „klíníkó-
patologískri“ samræmingu. Vinnutími meinafræðinga er þægilegur fyrir fjölskyldu, þar sem vaktabyrði er ekki íþyngjandi.“
Jón Gunnlaugur Jónasson, meinafræðingur
„Af því að þar er skemmti-
legasta fólkið.“
Eiríkur Jónsson,
þvagfæraskurðlæknir
„Sérgreinin mín er best vegna þess að hún sameinar
handverk (t.d. berkjuspeglanir og ástungur á fleiðruvökva)
og flókna lyflæknisfræði sem gaman er að glíma við og
tengir saman smitsjúkdóma, gigtsjúkdóma, hjartasjúkdóma
og fleira við lungnasjúkdóma.“
Sigríður Ólína Haraldsdóttir, lungnalæknir