Læknaneminn - 01.04.2020, Side 111

R
it
rý
n
t
e
fn
i
S
ke
m
m
ti
e
fn
i
o
g
p
is
tl
a
r
11
1
frammistöðukvíða og tilheyrandi meltingar-
truflanir svo best er að forðast þessi svæði.
Hringbraut
Ekki er eins gott úrval staða til að skjóta
brúnum á Hringbrautinni í samanburði
við Fossvoginn. Þó er eitt gott, vel falið
og úr alfara leið, í kjallara kvennadeildar-
byggingarinnar. Það er staðsett fyrir utan
kennslu stofuna Ská sali og þegar ekki er verið
að kenna þar þá er lítill um gangur og því
tilvalið að tylla sér á dolluna.
Ef svo ber við að manni er akkúrat mál
klukkan 10:00 þá mælum við sérstaklega
með því að læknanemar nýti sér salerni í
búningsklefa skurðstofustarfsmanna. Þá um
morguninn eru akkúrat allar aðgerðir farnar í
gang og því lítill sem enginn umgangur. Því er
kjörið að grípa gæsina og skutla krökkunum í
laugina (drop the kids off at the pool). Utan þess
tíma er yfirleitt mikið um að vera í klefanum
og því ólíklegra að maður komist óséður af
vettvangi.
Uppi á fjórðu hæð spítalans, þar sem Súðin
(himnaríki læknanema) tekur hlý og björt
á móti manni, er að finna eina gersemi.
Gersemin er staðsett á fjórðu hæðinni inni
á 14D, rétt framhjá skrifstofu Karls nokkurs
Andersens. Því er viðbótaránægja að kasta
kveðju á hann á leið sinni að tefla við
páfann. Gersemin er læst með talnalás
en í þágu læknanema þá er kóðann að
finna innan á hurð Súðarinnar.
Geðdeildin
Geðdeildin er konungshöll kamranna. Þar
er að finna hin ágætustu hásæti, nánast á
hverri hæð. Drottning kamranna er staðsett
á fjórðu hæðinni á stigapallinum framan við
skrifstofuganginn sem leiðir að Fræðasetrinu.
Þar er sjaldan nokkur á ferli og lítill
skjólveggur fyrir framan hurðirnar svo maður
kemst óséður að ganga örna sinna. Einungis
læknanemar á geðkúrsinum og starfsmenn
geðdeildar hafa lykil að þessari dásemd svo
ekki þýðir að ætla að gera sér ferð milli húsa í
þessum tilgangi.
Læknagarður
Fyrir þá sem eru að stíga sín fyrstu skref í
læknisfræði er næsta postulín tryggur vinur í
neyð. Að sama skapi ef allt annað þrýtur hjá
lengra komnum og neyðin er megn þá má
gera sér ferð og heimsækja gamalkunnan vin
á annarri hæð í Læknagarði. Hér erum við
að sjálfsögðu að vísa í fatlaðrasalernið
sem hefur skotið skjólshúsi yfir
margan lækna nemann í
gegnum árin.
Hugur okkar er hjá þeim sem hafa ekki þorað
í þetta verkefni (að ganga örna sinna innan
veggja spítalans) og hafa þjáðst af magapínu
til margra ára. Þeir geta vonandi nýtt sér
þessa litlu grein til þess að létta þann þunga
kross sem þau hafa þurft að bera. Viljum við
þó enda þessa grein á lítilli hugvekju þar sem
við biðlum til fólks að opna hug sinn fyrir því
að þetta er athöfn sem allir þurfa að stunda
reglulega og ætti því ekki að valda slíku
hugarangri líkt og raunin er.
Hugheilar hægðakveðjur,
Birgitta og Lilja Dögg
LÆ
K
N
IS
F
R
Æ
Ð
I
M
E
M
E
S
ke
m
m
tie
fn
i o
g
pi
st
la
r
11
1
LÆKNANEMINN EXCLUSIVE