Fróðskaparrit - 01.01.1958, Side 96

Kolanøgdin í Suðuroy.
(The coal resources on Suðuroy, Faroe Isles).
Eftir Jóannes Rasmussen.
Kolarannsóknir í Suðuroy vita vit um heilt aftur í 17.
øld. í skjølum frá 1626') eru frásagnir um, at tá var leitað
eftir koli í oynni. í bókmentum verður kolið fyrstu ferð
nevnt hjá Lucas Debes (1673) og í Kommisionsbetænknmg=
en (1709—10) er kolið avmerkt á kortinum hjá Rasmus Juel.
Fyrsta royndin til kolavinnu var gjørd í 1733 í Oyrnafjalli,
men hon datt niður fyri longu árið eftir. 1 18., 19. og 20.
øld vóru kanningar gjørdar í hópatali, tær vóru av ymsum
slag, men ikki høvdu tær allar líka nógv upp á seg kortini.
Stundum vóru tær bert tiltøk til at leita eftir koli, stundum
royndir at fáa í lag regluliga kolavinnu, og stundum vóru
tær verkligar ella vísindaligar kanningar.
Ætlanin við hesari grein er ikki gjølla at fara um ella
viðgera allar tær kanningar sum gjørdar eru, men bert at
draga fram tað, sum nemur við metingar av kolanøgdini,
og bera tað saman við nýggjari rannsóknarúrslit.
Eldri metingarúrslit.
Landt (1800) tekur til kanningar Henchels 1777 og sigur
soleiðis frá: «efter hans Skjønnende er Fløtsens Længde
omtrent 6000, og Middelbreden 2000 Alen, Højden af den
>) Norske Tegnelser IV s. 540 (Rigsarkivet) Indkomne Breve til
Danske Kancelli (Rigsarkivet). Laugtingsprotokollen (Landsskjalasavnið).