Fróðskaparrit - 01.01.1964, Side 206
214
Ríki Jákup í søgn og søgu
báðir brøðurnir vóru smádreingir enn, hevði annar teirra á
orði við hin gamla: »Pápi, lat meg fáa hatta lambið!«
»Kvat skalt tú gera við tað?« spurdi hin gamli. »Eg skal
drepa tað,« svaraði hin lítli. Tá idlbrínskaðist Jákup. »Sig,
tú skalt sleppa tað upp!« líddi hin baggin — hann visti,
kvussu pápin var — og hin, ið pápan hevði biðið, so gjørdi.
Tá blíðkaðist hin gamli og segði: »Ja, lambið skalt tú fáa.«
Annar sonur ríka Jákups, Sakaris nevndur, giftist til
Streymnes í Norðstreymoy; annar var ettir á Selatrað.
Eitt tímaglas, eitt høvuðvatnsegg og eitt arvagudl (ein
gudlpeningur), sum ríki Jákup hevur átt, eru enn til skjals.«
Jakob Jakobsen gjørdi lítið av at leita í skjølum eftir
søguligum upplýsingum um tey fólk, sagnirnar ganga um.
Hann helt seg til tað, sum komið var upp á prent, og
sjálvandi mest til N. Andersen: Færøerne 1600—1709. Á síðu
268 í hesari bók stendur Jakob Zachariassen millum aðrar
løgrættumenn, men tað verður ikki sagt eitt orð um, at
hetta er Ríki Jákup á Selatrað. Tískil er lítið søguligt um
Ríka Jákup at finna í viðmerkingunum hjá Jakob Jakobsen
til hesa søgnina. Men av tí at meginparturin av søgnini
snýr seg um suðuroyarprestin Johan Hendrik Weyhe, sum
giftist við langabbadóttur Jákups, er Jakob Jakobsen í Suð^
uroyar kalsbók komin fram á hesa upplýsing um Ríka
Bónda:
»— den i 17de Aarhundrede bekjendte rige Bonde Jakob
Sachariassen paa Selletræd, der havde tilkjøbt sig en be*
tydelig Deel af det adelige Jordegods, der blev solgt af
Søren Larsen Fohrmann.«
Anton Degn helt seg vita, hvørjum fólki Ríki Jákup var
av. I Færøske Kongsbønder 1584—1884 síðu 193, har hann
greiðir frá kongsjørðini á Selatrað, hevur hann aftur at
navninum Jakob Zachariassen hesa parentesina: »en Søn
af Zacharias Joensen, Kolter.«