Fróðskaparrit - 01.01.1964, Blaðsíða 214
222
Ríki Jákup í søgn og søgu
var tilskilað í festibrævinum hjá Pálli, at Jákup sína lívs>=
tíð skuldi njóta jørðina, sum av røttum átti at liggja undir
Oyrargarði, og til at prógva hetta legði hann fram eitt
festibræv frá Strange Madsen, sum var fúti 1599—1620.')
Løgrættan dømdi, at Jákup skuldi sita við jørðini sína
lívstíð, og tá hann var deyður, kundi fútin festa hana
burtur eftir lóg og kongligari fyriskipan. Fútin mótmælti
og vónaði, at hægsti rættur fór at góðkenna hansara festi*
bræv. Men tað varð av ongum, og 11. oktober 1690 festu
synir Jákups eina áttatiál hvør.* 2)
Á vártingi koma av og á trætumál fyri millum oyrar*
bóndan og norðskálamenn, og hetta man hava verið at*
voldin í, at Jákup 1692 friðlýsti sín óðal og eigindóm
norðuri við Skála.3)
Sum áður sagt hevði Jákup tvey stjúkbørn: Jógvan í
Britustovu á Eiði, sum var giftur við Marjuni, dóttur
Tummas á Oyrareingjum, og Siggu, ið giftist við Pæturi
Eidensen í Soylugørðum — 100 dálar fekk hon frá stjúk*
pápanum, tá ið hon giftist.4) Jóannes, ein sonur Jógvans,
sum frá barnsbeini hevði verið hjá Pálli pápabeiggjanum,
kom fyri barn við Maluni, dóttur hansara.3) Á vártingi
1692 vórðu tey dømd at hava fyrigjørt ogn sínari. Men tey
áttu einki. Jógvan í Britustovu segði, at ein gríma var tað
einasta, hann hevði givið soninum. Páll segði seg ikki hava
annað enn skuld. Jákup, sum eisini varð spurdur, svaraði,
at einki hevði hann givið børnum sínum, tíansheldur barna*
børnunum. Malan giftist 9. oktober 1698 við Hanus í Niðrb
stovu í Hvalvík.5) Jóannes fór til Fugloyar og giftist við
einari einkju í Uppistovu í Hattarvík — hann er nevndur
Eiðismaðurin í søgnini um Jógvan og Eyðun Tróndarson.6)
*) N. Andersen, 1895.
2) A. Degn, 1945.
3) Vártingsbók 1690—97.
4) Vártingsbók 1707—13.
5) Eysturoyar kirkjubók.
6) Jakob Jakobsen, 1898—1901.