Morgunblaðið - 28.10.2000, Blaðsíða 2
2 LAUGARDAGUR 28. OKTÓBER 2000
MORGUNBLAÐIÐ
FRÉTTIR
Heilbrigðisráðherra leggur fram frumvarp um tóbaksvarnir
Markmiðið að færri ungl-
ingar byni að reykia
INGIBJÓRG Pálmadóttir heil-
brigðis- og tryggingamálaráðherra
leggur á næstunni fram á Alþingi
frumvarp til breytinga á tóbaks-
varnalögum. Samkvæmt frumvarp-
inu hækkar fjárveiting til forvarna
um 12 milljónir og verður hún 50
milljónir á næsta ári. Ennfremur
kveður frumvarpið á um að þeir
sem selja tóbak þurfí sérstakt leyfí
til þess.
„Markmiðið með þessu frum-
varpi er að færri unglingar byrji
að reykja. Það er stefnt að því að
auka enn fræðslu í skólum gegn
reykingum. Eins er fólki betur
tryggt reyklaust umhverfi með því
að gerðar eru meiri kröfur til
reyklausra svæða en áður hefur
verið,“ sagði Ingibjörg.
Ingibjörg sagðist leggja mesta
áherslu á að færri byrjuðu að
reykja. Sem betur fer hefði náðst
árangur á því sviði að undanförnu.
Rannsóknir hefðu staðfest að held-
ur hefði dregið úr reykingum með-
al unglinga.
Ingibjörg sagði að það yrði á
valdi tóbaksvarnanefndar að taka
ákvörðun um hvernig þessu aukna
fjármagni til tóbaksvarna yrði var-
ið, en hún gerði ráð fyrir að nefnd-
in myndi leggja áherslu á að auka
enn fræðslu um skaðsemi tóbaks.
Samkvæmt frumvarpinu er gert
ráð fyrir því nýmæli að það þurfi
sérstakt leyfi til að selja tóbak.
Leyfisgjaldið á að renna til við-
komandi heilbrigðisnefnda á við-
komandi svæði. Ingibjörg sagði að
gjaldinu væri m.a. ætlað að kosta
eftirlit með því að unglingum inn-
an 18 ára aldurs væri ekki selt tób-
ak. Hún sagði að ekki væri ákveðið
hvað þetta gjald yrði hátt.
í greinargerð með frumvarpinu
kemur fram að Hjartavernd telur
að árlega deyi 370 manns á Islandi
af völdum reykinga eða einn á
hverjum degi. Fimmta hvert
dauðsfall á íslandi sé af völdum
reykinga. Samkvæmt heilbrigðis-
áætlun stjórnvalda er stefnt að því
að árið 2010 verði hlutfall þeirra
sem reykja daglega komið niður
fyrir 20% meðal fullorðinna.
Gengi
krónunn-
ar lækk-
aði í gær
um 0,58%
GENGI krónunnar hélt áfram
að lækka í gær og hafði lækk-
að um 0,58% þegar viðskiptum
dagsins lauk. Gengið lækkaði
umtalsvert þegar viðskipti hóf-
ust, en hækkaði svo aftur þeg-
ar leið á daginn. Frá áramót-
um hefur gengið lækkað um
7,6%. Þess má geta að síðast
þegar íslensk stjórnvöld tóku
ákvörðun um að lækka gengi
krónunnar, en það var árið
1993, var gengið lækkað um
8%. Gengi krónunnar náði
hámarki um mánaðamótin apr-
íl/maí í vor og hefur Iækkað
um rúmlega 9% síðan.
í hálf fímm fréttum Búnað-
arbankans í gær er bent á að í
þjóðhagsáætlun fyrir árið 2001
sé gert ráð fyrir að verðbólga
hækki um 4% milli áranna
2000 og 2001 og verði rúmlega
3% frá upphafi til ársloka
2001. Spáin byggist á forsendu
um óbreytt gengi íslensku
krónunnar.
Lækkun 2,7% frá því fjár-
lagafrumvarp var kynnt
Vísitala krónunnar var 115,3
stig um síðustu mánaðamót
þegar fjárlagafrumvarpið var
lagt fram og hefur krónan því
lækkað um 2,7% frá þeim
tíma.
Bent er á í frétt bankans að
vegna mikils vægis innfluttra
vara í neyslu heimilanna leiði
2,7% gengislækkun að öðru
óbreyttu til 0,8% hækkunar
verðbólgu. Ef gengi krónunn-
ar hækki ekki á næstu dögum
sé ljóst að verðbólguspá Þjóð-
hagsstofnunar gangi ekki eftir.
Morgunblaðið/Jim Smart
Hópur af krökkum flytur hjarta Tónabæjar úr Skaftahlíð og í nýtt húsnæði félagsmiðstöðvarinnar í Safamýri.
Hjarta Tóna-
bæjar flutt
HJARTA Tónabæjar var flutt úr
Skaftahh'ð og í Safamýri í gær, en
Reykjavíkurborg hefur tekið fé-
lagsheimili Knattspyrnufélags
Fram á leigu undir félagsstarf
Tónabæjar. í tilefni af flutningun-
um var haldin opnunarhátíð í nýju
húsakynnunum, þar sem boðið var
upp á veitingar og skemmtiatriði
og lauk kvöldinu með sérstöku opn-
unarballi.
Reykjavíkurborg leigir félags-
heimilið til tiu ára og mun Fram
færa starfsemi sína í íþróttahús sitt
við Safamýri. I samningi borgar-
innar og Fram er einnig tekið fram
að stefnt sé að því að gera þjónustu-
samning um aukið samstarf Fram
og ITR við skipulagningu íþrótta-,
félags- og tómstundastarfs.
Þyrping hf. keypti húsnæði
Tónabæjar við Skaftahlíð fyrir 67
milljónir.
Kvartað við Póst- og fjarskiptastofnun vegna Halló frjálsra fjarskipta
Þjónusta flutt milli fyrirtækja
án þess að beðið væri um það
KVARTANIR hafa borist Póst- og
fjarskiptastofnun frá nokkrum fyrir-
tækjum sem hafa verið skráð í svo-
nefnt fast forval hjá Halló frjálsum
fjarskiptum án þess að telja sig hafa
beðið um slíkt. Er símaþjónusta
þannig sögð hafa verið flutt frá
Landssíma íslands til Halló frjálsra
fjarskipta að fyrirtækjunum for-
spurðum.
Gústav Arnar, forstjóri stofnunar-
innar, segir að rætt hafi verið við að-
ila málsins til að eyða misskilningi
sem virðist hafa verið uppi og kvaðst
hann vona að það væri til lykta leitt.
Fast forval snýst um fyrirkomulag
símtala til útlanda þannig að þótt
valið sé 00 flyst þjónustan sjálfkrafa
til annars símafyrirtækis en Símans
hafi menn gerst áskrifendur hjá öðru
símafyrirtæki. Fyrirtæki sem hafa
boðið slíka þjónustu eru auk Halló
frjálsra fjarskipta m.a. Íslandssími
ogTal.
Þegar gengið hefur verið frá
áskrift tilkynnir viðkomandi fyrir-
tæki það til Landssímans sem breyt-
ir tengingum þannig að símtöl í 00
frá þeim viðskiptavinum flytjast til
viðkomandi aðila.
Gústav segir málið hafa uppgötv-
ast þegar viðskiptavinir Landssím-
ans, sem hafi orðið fyrir truflunum á
síma- eða faxsambandi við útlönd,
hafi kvartað við fyrirtækið en þá
komið í ljós að þeir væru í föstu for-
vali og því í viðskiptum við annað
símafyrirtæki. Hafi menn því verið
komnir með þjónustu sem þeir telja
sig ekki hafa pantað. Nokkrir tugir
fyrirtækja telja sig hafa verið setta í
fast forval án þess að hafa beðið um
það.
Staðfesta verður
áskrift skriflega
Mál af þessum toga komu upp fyr-
ir um mánuði og segir Gústav að full-
trúar Póst- og fjarskiptastofnunar
hafi átt fundi með fulltrúum Lands-
símans og Halló frjálsra fjarskipta í
vikunni. Svo virðist sem misskilning-
ur hafi verið uppi um hvort við-
skiptamenn hafi í raun pantað þessa
tilteknu þjónustu.
Segir hann ákveðin fyrirmæli í
reglum um að fyrirtæki beri að stað-
festa sknflega ef samið hefur verið
um þjónustu sem þessa til að enginn
fari í grafgötur um hvað ákveðið hafí
verið.
Gústav kvaðst ekki eiga von á öðru
en málið kæmist þar með í réttan
farveg.
Sérblöð í dag
w
Fylgstu
með
nýjustu
fréttum
www.mbl.is