Morgunblaðið - 28.10.2000, Blaðsíða 78

78 LAUGARDAGUR 28. OKTÓBER 2000
BREF TIL BLAÐSINS
MORGUNBLAÐIÐ
TIL BLAÐSINS
Dýraglens
Kringlunni 1 103 Reykjavík # Sími 569 1100 • Símbréf 569 1329
cj«4n^
Grettir
THAT UIAS A PRETW
LAPY WHO PATTEP ME
ON THE HEAP...
BEIN6 LEFT ALONE IN
THE CAR ISN'T 50 BAP..
SO UJHO CARE5 IF 5HE
5CRATCHEP OUR POOR UJHEN
5HE 60TOUT OFHERCAR?...
-....
Að vera skilinn eftir einn í Þetta var lagleg kona sem Hverjum er því ekki sama þó hún
bílnum er ekki svo slæmt.. klappaði mér á kollinn... hafi rispað hurðina hjá okkur þegar
hún fór út úr bílnum sínum?...
it.
Ovelkomin í
Ferðafélagsskála
Frá Hjálmtý Guðmundssyni:
HELGINA 27. október skruppum
við hjónin inn í Þórsmörk. Áður hafði
ég hringt í Ferðafélag íslands og í
Utivist til að spyrjast fyrir um gist-
ingu. Hjá Utivist fékk ég þær upp-
lýsingar að í Básum væri fullt um
helgina en hjá Ferðafélaginu að það
væri fullt aðfaranótt sunnudags en
nóg pláss á föstudagskvöldið og að-
faranótt laugardags og pantaði ég
gistingu þá nótt. Ég spurði hvort það
yrðu skálaverðir þar og var mér sagt
að svo væri.
Þegar við komum að skála Ferða-
félags íslands í Langadal var þar
fyrir hvítur jeppi með einkennis-
númerinu „Didda“. Þar var karlmað-
ur að taka dót úr jeppanum og sagði
ég honum að við ætluðum að gista
þarna enda værum við búin að panta
gistingu hjá Ferðafélaginu. Hann
varð eitthvað skrítinn á svipinn en
játaði því að það væri nóg pláss
(enda tekur skálinn um 75 manns og
er með mörgum herbergjum). Við
bjuggumst til að bera dótið inn en þá
kom kvenmaður sem kannski er köll-
uð Didda, sbr. skrásetningamúmer
jeppans. Hún spurði hver hefði sagt
að það væri hægt að fá gistingu í
skálanum og sagði ég henni að það
hefði verið einhver kona á skrifstofu
Ferðafélagsins. Hún sagði að það
væri skrítið því þau hefðu skálann
fyrir sig og hefðu ætlað að vera ein í
honum þessa nótt og sagði mér ein-
faldlega að við værum ekki velkomin
og þau vildu vera laus við okkur.
Fyrst hélt ég að þetta væri einhvers
konar grín enda hef ég gist í flestum
skálum Ferðafélagins á öllum árs-
tímum þau rúmlega 30 ár sem ég hef
verið í félaginu og aldrei áður fengið
slíkar móttökur. Þetta var ekki grín
heldur fúlasta alvara (og ég meina
fúlasta) og þó við hefðum vafalaust
geta troðið okkur inn var það nú ekki
tilhlökkunarefni að vera þarna óvel-
komin með tveimur fúlum frá Ferða-
félaginu. Við hrökkluðumst því aftur
til baka og héldum inn í skála Úti-
vistar í Básum þó það væri búið að
segja okkur að þar væri fullt. Þar
voru móttökur með allt öðrum hætti
og þar hittum við alvöru útivistarfólk
sem sagði okkur að það væri nóg
pláss fyrir okkur. Þarna áttum við
síðan mjög skemmtilegt kvöld með
skemmtilegu fólki og bætti það upp
hremmingarnar í Langadal.
Það er alveg með ólíkindum ef
þetta fólk getur komið fram sem full-
trúar Ferðafélags íslands og eins og
konu minni varð að orði: „Ég vildi að
þetta hefði verið einhverjir ungling-
ar, þeir hefðu örugglega tekið vel á
móti okkur“ enda er það reynslan af
því unga fólki sem hefur verið skála-
verðir hjá Ferðafélaginu að það hef-
ur verið hjálplegt og vingjarnlegt við
gesti og gangandi. Framkoma þessa
fólks sem við hittum þarna var hins
vegar þeim og Ferðafélaginu til há-
borinnar skammar og vonandi hitt-
um við þau aldrei aftur.
HJÁLMTÝR GUÐMUNDSSON,
Kríunesi 8, Garðabæ.
Breið bros fímm ára
Frá Höllu Magnúsdóttur:
BREIÐ bros, hvað er nú það? Breið
bros eru samtök foreldra þarna fædd
eru með skarð í vör og/eða góm.
Samtökin voru stofnuð á fjölmennum
fundi 8. nóvember 1995 og verða því
5 ára í næsta mánuði. Af því tilefni
verður aðalfundur og fræðslufundur
í safnaðarheimili Bústaðakirkju
mánudagskvöldið 6. nóvember nk.
kl. 20.30 og eru allir sem áhuga hafa
velkomnir á fundinn. Breið bros er
eitt af mörgum aðildarfélögum Um-
hyggju, félags langveikra barna.
Breið bros gaf út fyrr á þessu ári
myndarlegan fræðslubækling um
böm fædd með skarð í vör og/eða
góm. Bæklingnum hefur verið dreift
víða t.d. á sjúkrahús, heilsugæslu-
stöðvar, grunnskóla o.fl. staði. Hægt
er að nálgast bækiinginn hjá ein-
hverjum stjórnarmeðlima en í stjórn
Breiðra brosa eru: Ágúst Hrafnkels-
son, formaður, sími: 562-6075, Dýr-
leif Guðjónsdóttir, gjaldkeri, simi:
568-0942, Halla Magnúsdóttir, ritari,
sími: 565-5542. Guðbjörg Birkis
Jónsdóttir, meðstjórnandi, sími: 554-
5645.
Nú þegar fræðslubæklingurinn er
í höfn er aðalbaráttumál félagsins
100% endurgreiðsla tannréttinga
barna fæddra með skarð í vör og/eða
góm. Staðan í dag er þannig að
Tryggingastofnun ríkisins endur-
greiðir 75% af þriggja árs gamalli
gjaldskrá en ósamið hefur verið og
er enn við tannlækna og tannrétt-
ingalækna. Ég greiddi um daginn
40.000 kr. reikning frá tannréttinga-
lækni barnsins míns sem er fætt
1991 með tvíklofna vör og góm. End-
urgreiðslan nam 22.000 kr. svo nær
er að tala um rúmlega 50% endur-
greiðslu en ekki 75% endurgreiðslu.
Fleiri svona reikningar hafa verið
greiddir og eiga eftir að koma næstu
árin. Hvað gera foreldrar þegar
reikningur upp á 300.000 kr. fyrir
tannbrúarsmíði í efri góm unglings-
ins kemur? Hrista fram úr erminni
ein og hálf mánaðarlaun? Þvílík
hneisa fyrir íslenska heilbrigðiskerf-
ið en ísland er eina Ewópuríkið að
undanskildu Tyrklandi þar sem ekki
viðgengst 100% endurgreiðsla á
tannréttingar barna með skarð í vör.
Ekki græðir ríkið eitthvað á þessu
fyrirkomulagi þar sem einungis fæð-
ast um 10 börn á ári með þennan
fæðingargalla. Nú er lag þegai-
aldrei nokkurn tímann áður hefur
verið gert ráð fyrir jafnmiklum
tekjuafgangi og í íjárlagafrumvarpi
ársins 200Í. Að þetta skuli viðgang-
ast nú þegar 21. öldin er að ganga í
garð og mitt í öllu þessu svokallaða
góðæri er íslenska heilbrigðiskerfinu
til skammar.
HALLA MAGNÚSDÓTTIR,
ritari Breiðra brosa,
Álfholti 30, Hafnarfirði.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunbiaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.