Skírnir - 01.01.1887, Blaðsíða 27

ALMENN TÍÐINDI.
29
sem til þessa hefir ljóst orðið um ráð Bismarcks, hefir sýnt,
að honum hefir umfram allt verið annt um að afstýra nýrri
styrjöld, og að hann vildi til þess meira vinna, enn margir
ætluðu. Blöð hans sögðu þegar frá öndverðu — og sama hefir
hann endurrtekið í mörgum ræðum —, að miskliðirnar með Bolg-
örum og Rússum vörðuðu þýzlcaland svo litlu, að það yrði
ekki annað enn sýnasta flasræði að hlutast til þeirra með harð-
tæki. jbað yrði beint til að kveikja ófriðarbál í allri Norður-
álfu, vinna öllu fólki meira böl og fár enn nokkurn tima
hefði fyr af striðum hlotizt, i stað hins, að láta hið þýzka riki
sitja að því i friði, sem unnið væri, og hyggja framvegis að
eins á þrifnað sinn og frama. þegar svo var tekið fjarri öll-
um ófriði, var því stundum hnýtt við, að hans væri heldur von
að vestan (frá Frakklandi) enn að austan. Annars hefir lengi
verið talað um sambands leit eða tilraun með Frökkum og
Rússum, og mun til nokkuð hæft. Hitt þykir Bismarck, sem
fleirum, vist, að Frakkar mundu sizt sitja á sjer, ef þjóðverjar
Ijetu bendlast í strið við Rússa. I annan stað hafa fylgisblöð
Bismarcks («Post», «Nurddeutschc Allgemeine Zeit.», «Köln. Zeit.»)
optlega tekið fram, að Rússar hefðu í raun og veru hlotið
meiri heimild á Bolgaralandi enn aðrir, og þeir hefðu líka
lengi neytt hennar átölulaust, en haft þar mest fyrir allri skipan
og fyrirkomulagi hers og stjórnar. Alexander fursti hefði, hvað
sem hver segði, sýnt meiri dirfzku enn hyggindi, er hann hefði
borizt það fyrir, sem bæði var á móti Berlínarsátimálanum og
Rússakeisara til styggðar. Bismarck komst einu sinni svo að
orði, að i Bolgaramálinu væri annað meira að virða enn það,
að furstinn væri þýzkur prins («prins af Battenberg»), sem sum
þýzk blöð litu helzt á — hann átti við dýrmæti friðarins fyrir
þýzkaland og samkomulagsins við Rússa — en það væri annað
enn «Battenbergspólitik», sem sæti vel á hinu þýzka keisara-
veldi. það mun hafa verið að ráði Bismarcks, er furstinn sneri
heim aptur til Bolgaralands frá Lemberg (sjá frjettaþáttinn frá
Bolgaralandi), og reyndi að koma sjer i sátt við Rússakeisara.
«f>ið verðið að koma ykkur saman við Rússa!» var eina svarið,
sem erindrekar Bolgara fengu i Berlín rjett fyrir jólin, og það