Gefn - 01.07.1871, Side 82

84
sem Nestor kallar Noreg, og það getur varla verið afmyndað
úrNurjag eðaNurviag; það getur líkaverið finnskt. Nestor
og serkneskir rithöfundar kalla Yarenga-haf fyrir Noregi
(sem aldrei er nefndur þannig af þeim) og líklega má Var-
ángr heimfærast hér til; en hvort Væríngjar sé komið af
því, er ekki víst, og enn ólíklegra að það sé af »var« =
eiður, eins og annars er álitið; Væríngjar voru ekki fremur
Norðmenn en samsafn af ýmsum þjóðum. Varjag-Njarg
heitir enn nyrðst á Noregi ogVáringen er vatn í Neríki og
sókn fyrir sunnan Væni. Á steininum átti eptir þessu að
standa NURIAG, en hvorki NURVIG eða NURVEG.
Austur í Asíu bygði fyrrum þjóð nokkur er nefndist
Issedonar. Herodotus getur fyrstur um þá (IV. 13. 15. 26)
og áttu þeir að hafa verið fyrir sunnan Arimaspana, sem
áðuv voru nefndir. Hann segir svo frá háttum þeirra, að
þegar faðir manns deyi, þá reki ættíngjarnir fénað saman
og slátri, og brytji í sundur líkama föðursins, blandi kjötinu
og blóðinu saman og neyti þess svo, en flái skinnið af höfð-
inu og gullbúi höfuðskelina og hafi hana tilprýðis og haldi
fórnarveitslur á ári hverju (fyiir hinum látna); þetta geri
hverr sonur við sinn föður, eins og Grikkir haldi fæðíngar-
hátíðir; en að öðru leyti sé þeir góðir menn og mannúð-
legir. Mönnum ber nú raunar ekki saman um hvar þessir
Issedonar hafi búið; þeir eru settir á kortin ýmist austur
í Móngolí og fyrir sunnan Altai, því þá álíta menn að Ari-
maspar hafi verið þar, en Her. segir skýlaust að þeir sé
fyrir norðan Issedona, og Altai eru gullfjöll, en Arimaspar
börðust við dreka um gullið; ýmist eru þeir settir fyrir
norðan Kaspíhafið, því þá láta menn Arimaspa byggja Úral-
fjöllin. sem líka eru gullfjöll (en það held eg Her. hafi ekki
vitað, og því er hitt réttara). Tvo staði nefnir Ptolemeus,
>) Mehren í AnO 1857. p. 41. 51. 157. 200. 202. 203. Eg held
það sé ekki sama sem Eystrasalt eins og almennt er álitið.