Eimreiðin - 01.05.1902, Qupperneq 80

ióo
ingarstaður sinn og kunni það að valda nokkru um tilfinning sína. Lýsir hann svo
firðinum og ber mikið lof á náttúrufegurð hans.
UM HAUGGÖNGUR í FORNUM SIÐ (»Grabhugelraub im islándischen
Altertum«) hefir fröken M. Lehmann-Filhés skrifað stutta greina í þýzka tímaritið
»Globus« LXXXI, 4 (1902), og er hún aðallega þýðing á kafla úr Harðar sögu og
Hólmverja, er segir frá því, er Hörður gekk í Sótahaug og rændi hann eftir harða
viðureign við haugbúann.
UM ÍSLENZKT STJÓRNARFAR, lagaskipun o. fl. hefir skrifstofustjóri Ólafur
Halldórsson skrifað ritgerð í »Jahrbuch der internationalen Vereinigung fur ver-
gleichende Rechtswissenschaft und Volkswirtschaftslehre zu Berlin« V. fyrir árið 1899,
sem þó er út komin nú fyrir skömmu. Er þar fyrst mjög stutt yfirlit yfir stjóru-
arfarssögu landsins og því næst skýrt frá núgildandi stjórnarlögum þess, embætta-
skipan og fjárhag. í*á er skýrt frá hinum helztu íslenzku lögum, er út hafi komið
árið 1898, og að lokum er getið þeirra íslenzkra tímarita, er flytji ritgerðir um lög-
fræðisieg efni eða þjóðhagsfræði.
UM ÍSLENZKA HESTA (»Hesten i Nordboernes Tjeneste paa Island, Fær-
oerne og Gronland«) hefir höfuðsmaður Daniel Bruun skrifað langa ritgerð í »Tids-
skrift for Land0konomi«, sem líka hefir komið út sem sérstök bók (Khöfn 1902).
Er fyrsti kaflinn um íslenzka reiðhesta, annar um áburðarhestana, þriðji um hesta-
hald á Islandi í fornöld, fjórði um hestaat fornmanna, fimti um hesta sem blótdýr
og fleira, er þar að lýtur, sjötti um verð íslenzkra hesta á ýmsum tímum, sjöundi
um reiðtýgi og allan reiðskap bæði fyr og síðar. Þetta er aðalritgerðin (alls 79 bls.),
en aftan við er stuttur kafli (3 bls.) um færeyska hesta og að lokum annar (5*/^
bls.) um hestahald í bygðum íslendinga á Grænlandi í fornöld.
Ritgerðin er skemtilega skrifuð og hefir margskonar fróðleik inni að halda.
Hún er og prýdd mörgum (56) mjög góðum myndum, sem skýra efnið að miklum
mun. Einkum eru myndirnar af íslenzkum reiðskap frá eldri og yngri tímum mjög
fróðlegar. í’ar er og mjög snotur mynd af hestaati fornmanna, sem gerð er eftir
gamalli teikningu í Landsbókasafninu í Reykjavík. Reyndar er teikning þessi lík-
lega ekki mjög gömul, en hún er samt ekki svo lítils virði, þar sem hún er bæði
vel gerð og mjög nærri sanni, svo að hún getur gefið góða hugmynd um hesta-
þingin fornu.
Höfuðsmaður Daniel Bruun hefir á seinni árum gert afarmikið, og ritað hverja
bókina á fætur annarri, til þess að útbreiða þekkingu á Islandi, og jafnan látið
fylgja fjölda af góðum myndum til skýringar. Vér Islendingar höfum fulla ástæðu
til að kunna honum miklar þakkir fyrir þessa starfsemi sína, sem óhætt er að segja,
að hann hafi leyst svo vel af hendi, sem föng hafi verið á, og menn með nokkurri
sanngirni hafi getað ætlast til.
UM ÍSLENZKAR SJÁVARÖLGUR eða þarategundir hefir mag. art Helgi
Jónsson ritað alllanga ritgerð á ensku (»The Marine Algæ of Icelandv<) i »Botanisk
Tidsskrift« XXIV, 2 (1901), og eru í henni nokkrar myndir af þarategundum. Rit-
gerðin er sjálfsagt ákaflega lærð, en af því Eimreiðin er ekki sérlega þarafróð, getur
hún lítið um hana dæmt. fó má þess geta, að þar er skýrt frá 71 tegund af
Rauðölgum, og hafa menn ekki áður þekt nema helminginn af þeim frá íslandi.
Tvær af þessum tegundum eru og alveg nýjar fyrir vísindin. V. G.