Eimreiðin - 01.09.1916, Síða 7

Thiset betidir á, að þorskmerkið komi fyrst fyrir með vissu
í innsigli Hansa-kaupmanna frá Lýbiku (Liibeck), er bjuggu í
Björgvin. Innsiglið er á skjali dagsettu 24. október 1415, og er
það nú í Ríkisskjalasafni Dana. Signetið sýnir engil, sem heldur
á skildi, studdum af tveim ljónum. Skildinum er skift í tvo feldi;
í fyrsta feldinum er krýndur, hauslaus þorskur, auðsjáanlega ekki
flattur, því að á myndinni sjást skýrt þrír bakuggar og tveir kvið-
uggar; í öðrum feldinum er helmingur af skjaldmerki Lýbiku (hálf-
ur tvíörn); í hringnum utan um stendur: »sigillum mercatorum ber-
gensium norwegia hansa tautonica « (2. mynd). Samskonar innsigli
er líka til í innsiglasafni Ríkisskjalasafnsins, en þó hér um bil
hundrað árum yngra. Að vísu er form myndanna í því nokkuð
frábrugðið hinu, en þær eru þó hinar sömu, hálfi tvíörninn og
krýndi þorskurinn; en hér er þorskurinn í öðrum feldi, en örninn
í þeim fyrsta; og áritunin er: SIG’ MERCATORV’ DE HANSA
TEVTON IN BERGIS RESIDE (3. mynd). Höfundurinn dregur
nú þá ályktun, að þorskurinn í þessum innsiglum muni vera skjald-
merki íslands, því að verzlun Lýbikumanna á íslandi hafi farið
yfir Björgvin. Og til stuðnings þeirri skoðun færir hann, að Ham-
borgarkaupmenn, sem verzlun ráku á Islandi, höfðu líka í innsigli
sínu krýnda hauslausa þorskinn í fyrsta feldinum og hálft skjald-
merki Hamborgar í öðrum feldinum, sem sjá má neðan til í inn-