Morgunblaðið - 31.03.2001, Side 27

VIÐSKIPTI
MORGUNBLAÐIÐ LAUGARDAGUR 31. MARS 2001 27
EFTIR tveggja ára þóf og kosninga-
loforð um að himinninn yfir Englandi
væri „ekki til sölu“ hefur breska
stjórnin nú ákveðið að Airline Group,
fyrirtæki í eigu sjö breskra flugfélaga
fái að kaupa breska flugumferðareft-
irlitið, National Air Traffic Service,
Nats. Málið hefur valdið heitum deil-
um í Verkamannaflokknum. Með
þessari ákvörðun verður Bretland
fyrsta Evrópulandið til að einkavæða
flugstjórn, en fleiri Evrópulönd hafa
slíkt í huga.
Í samtali við BBC sagði forsvars-
maður nýja fyrirtæksins að þar sem
flugfélögin ættu mikilla hagsmuna að
gæta um flugöryggi væri engin hætta
á öðru en verkefnið yrði tekið föstum
tökum. Verkalýðsfélag flugumferðar-
stjóra hefur lýst ánægju með mála-
lyktir, þar sem Airline Group muni
ekki ætla að reka Nats í hagnaðar-
skyni og því verði ekki grafið undan
flugöryggi. Þessi óvænta ákvörðun,
sem skilur eftir nokkur fyrirtæki er
sóttust eftir eftirlitinu með sárt enni
er talið enn eitt merki um að breska
stjórnin sé að hreinsa hjá sér skrif-
borðið fyrir vorkosningar.
Óvænt og umdeild ákvörðun
Airline Group er í eigu sjö breskra
flugfélaga og keppinauta, British
Airways, BMI British Midland, Virgin
Atlantic, Britannia, Monarch, EasyJet
og Airtours. Fyrirtækin, sem kepptu
um hnossið voru meðal annars Serco,
breskt þjónustufyrirtæki, Novares í
eigu bandaríska flugvéla- og her-
gagnaframleiðandans Lockheed
Martin og Airways Corporation,
nýsjálenska flugumferðareftirlitið í
eigu nýsjálensku ríkisstjórnarinnar.
Málið hefur verið mikið deilumál í
Verkamannaflokknum og hópur þing-
manna hans hefur greitt atkvæði
gegn einkavæðingu Nats í þinginu.
Verkalýðsfélög hafa einnig lýst kvíða
sínum, en kvíði þeirra beindist eink-
um gegn því að Serco, sterkasti
keppinauturinn, fengi reksturinn, því
álitið var að Serco stefndi á stórfelld-
an niðurskurð og rekstur í hagnaðar-
skyni.
John Prescott aðstoðarforsætis-
ráðherra tilkynnti um söluna til Air-
line Group á þriðjudaginn og hún kom
algjörlega á óvart, því þó málið hafi
verið lengi í deiglunni var ekkert sem
benti til að komið væri að endanlegum
ákvörðunum.
Airline Group mun kaupa 46 pró-
sent af Nats, fyrir 800 milljónir
punda, en skuldbindur sig auk þess til
að leggja einn milljarð punda í fjár-
festingar á næstu sex árum, til dæmis
í ný tölvukerfi og nýja þjónustumið-
stöð í Prestwick. Ríkið heldur 49 pró-
senta hluta í Nats, skipar nokkra af
stjórnarmönnunum en Airline fer
með allan rekstur.
Fyrirtækin sjö eiga öll jafnstóran
hlut í Airline Group. Fimm prósent af
Nats verða í eigu starfsmannafélags
Nats. Salan á enn eftir að hljóta bless-
un ESB, en ýmis erlend flugfélög eru
hrædd um að bresk flugfélög muni
hljóta forgangsmeðferð. Eigendur
Airline Group mega ekki selja hlut
sinn, en það er gert til að koma í veg
fyrir yfirtöku annarra aðila.
Líkt og í öðrum Evrópulöndum vex
flugumferð ört í Bretlandi, um fimm
prósent á ári. Að sögn Times hafa evr-
ópsk flugumferðaryfirvöld varað við
að verði flugumsjón ekki bætt í Evr-
ópu muni hætta á að ekki verði lengur
hægt að anna flugumferð 2005.
Breska flugumferð-
areftirlitið einkavætt
London. Morgunblaðið.
Stórglæsileg sýning á þýskum heilsárs húsbílum og
hjólhýsum frá Knaus sem er leiðandi merki í Evrópu
Knaus húsbílar og hjólhýsi
– aðeins það besta!
Netsalan ehf.
Garðatorgi 3, 210 Garðabæ.
Símar 565 6241 og 544 4210
Fax 544 4211.
Síðasta sýningarhelgi
Sýningunni lýkur þriðjud. 3. apríl
Opið alla daga frá kl. 10.00-18.00 Þjónustuaðili