Morgunblaðið - 22.10.2005, Side 23

MORGUNBLAÐIÐ LAUGARDAGUR 22. OKTÓBER 2005 23
ERLENT
Fjölskyldan hefur það hollt og skemmtilegt saman.
Allir krakkar verða
í skýjunum í dag!
Rosafjörug Latabæjarhátíð með Icelandair í Flugskýli 4
á Reykjavíkurflugvelli kl. 14 -16 í dag.
Strákarnir sprella og leika við börnin.
Nylon syngur nokkur vinsælustu lögin.
Íþróttaálfurinn kemur
krökkunum á hreyfingu.Landsliðsmenn sýna boltaþrautir.
Skemmtiatriði
Latibær fer í loftið með Icelandair
Icelandair og Latibær hafa gert með sér samstarfssamning.
Allir krakkar, sem ferðast með Icelandair, geta fengið hollan
Latabæjar-barnamatarbakka, Latabæjarlitabók og ýmislegt
fleira. Þáttur úr Latabæ verður í sjónvarpinu í hverri flugferð
og sérstök Latabæjarrás í heyrnartólunum.
Bílastæði eru á merktum svæðum í kringum flugvöllinn, á
bílstæðum Háskólans og hjá húsi Íslenskrar erfðagreiningar.
Skutlur frá Hertz aka fólki til og frá bílastæðum Háskólans
og Íslenskrar erfðagreiningar.
Happdrætti þar sem eru í vinning fjölskyldu-
ferðir í Disneygarðana í París og Orlando.
Minnum á nýja barnaafsláttinn!
Allir krakkar fá litabækur og blöðrur.
Hollt nammi, ávextir, grænmeti, safi og
kaffi handa pabba og mömmu.
Glæsilegir ferðavinningar
Foreldrar
, takið
myndavél
arnar me
ð!
LÖGMAÐUR sem tekið hafði að sér að halda uppi vörnum í
máli eins af undirsátum Saddams Husseins, fyrrum Íraks-
forseta, fannst látinn í Bagdad í morgun. Maðurinn hafði verið
myrtur.
Lögmanninum, Sadoun Nasouaf al-Janabi, var rænt á
fimmtudag er vopnaðir, óþekktir menn réðust inn á skrifstofu
hans í höfuðborg Íraks. Lík hans fannst í gærmorgun við
mosku í norðurhluta Bagdad og voru skotsár á brjósti hans og
höfði.
Samband íraskra lögfræðinga lýsti því yfir í gær að morðið
myndi hafa „alvarlegar afleiðingar“ fyrir réttarkerfið í land-
inu. „Þetta mun koma í veg fyrir að lögmenn geti tekið að sér
mál þeirra sem í haldi eru af pólitískum ástæðum,“ sagði tals-
maður samtakanna.
Lögmaðurinn hugðist halda uppi vörnum fyrir Awad Al-
Bandar Al-Sadun. Sá var á miðvikudag leiddur fyrir rétt
ásamt Saddam Hussein og sex öðrum. Mennirnir eru sakaðir
um að bera ábyrgð á fjöldamorði sem framið var í Írak árið
1982. Með þessu hófust réttarhöld yfir Saddam og undirsátum
hans. Þetta var fyrsta ákæran af mörgum sem forsetanum
fyrrverandi verða birtar. Sjálfum réttarhöldunum hefur verið
frestað til 28. næsta mánaðar.
Eftir því sem næst verður komist hafa 13 lögmenn tekið að
sér að halda uppi vörnum fyrir sakborningana í málinu. Þykir
nú sýnt að viðkomandi kunni að vera í mikilli lífshættu.
Nöfn fjögurra þeirra fimm dómara sem koma munu að rétt-
arhöldunum yfir Saddam og samverkamönnum hans hafa ekki
verið birt. Nöfn forseta réttarins og saksóknarans eru þau
einu sem gerð hafa verið opinber.
Íraskur lög-
maður myrtur
FELLIBYLURINN Wilma kom upp að ströndum Yucatan-
skaga í Mexíkó í gær þar sem hann reif upp tré með rótum
og kubbaði í sundur rafmagnsstaura. Myndin er frá bænum
Cancun en bylnum fylgdi mikið úrhelli. Áður höfðu tugþús-
undir ferðamanna verið fluttar í öruggt skjól. Bylurinn var
í gær í fjórða og næstefsta flokki en það veldur áhyggjum
að hann fer mjög hægt yfir og miðja hans er óvenjuum-
fangsmikil. Er hann því hættulegri en ella. Búist er við að
hann taki stefnuna á Kúbu, þar sem um 300.000 manns hafa
verið flutt til, og síðan á Flórída. Nú er talið að hann geti
komið þangað á mánudag eða nokkru síðar en áður var tal-
ið.
Reuters
Fárviðri á Yucatan-skaga