Réttur - 01.07.1928, Qupperneq 44

172 ÚR RÚSSLANDSFERÐ [Rjettur
og Nep-menn eru kallaðir þeir kapitalistar, sem enn
eru eftir í Sovjet-Rússlandi). Sagði hann að það væru
mestu »almennilegheita-menn, en alt var þar miklu
fínna en hjá okkur. Skip það, sem við fórum með, var
nýtt hjólskip, með dísil-mótor og hafði tvö farrými. Á
fyrsta farrými var alt mjög snyrtilegt, góðir svefn-
klefar og ágætur matsalur. En á öðru farrými var alt
mjög óbrotið. Lágu þar flestir og sváfu á hörðuni
bekkjum, og voru margir mjög fátæklega til fara.
Á fyrsta farrými voru, auk okkar, rússneskir stú-
dentar, leikarar og fleira fólk. Söng það rússneska
söngva, þjóðsöngva og hersöngva frá borgarastyrjöld-
inni, frá morgni til kvölds. Oft komu þá farþegar af
öðru farrými inn og sungu með. í einni höfninni stalst
út á skipið berfættur drengur og tötrum klæddur.
Hann settist við hljóðfærið hjá okkur og spilaði og
söng af allmikilli leikni og tilfinningu. Var söngleik
hans vel tekið og honum gefið mikið af smápeningum.
Ljetum við hann segja okkur af högum sínum. Hann
var fimtán ára, faðirinn dáinn og móðirin skiftir sjer
ekki af honum. Hann á ekki annað en það, sem hann
ber á sjer og sefur »þar sem þurt er«. Hann var settur
á land í næstu höfn.
Á skipinu sagði fylgdarmaður okkar, rússneskur
stúdent, okkur all ítarlega frá rússneskum háskólum
og stúdentalífi, en samferðamaður einn, háttstandandi
starfsmaður í verkalýðsfjelögunum í »fylkjunum« við
Volgu, skýrði okkur frá menningarstarfsemi verklýðs-
fjelaganna, en ekki vinst mjer tími til að segja frá
þeim málum í þetta sinn. Það verður að bíða betri tíma.
Þegar við komum til Rússlands var nýlega fallinn
dómur í Donez-málunum. Margir Rússar, er við áttum
tal við, höfðu orð á því, að þau mál hefðu sýnt hver
nauðsyn verkalýð Rússlands er, að koma upp duglegum
verkfræðingum úr eigin flokki. Donez-hjeruðin eru
auðugustu námuhjeruð Rússlands og því mikilsverð