Réttur - 01.10.1929, Blaðsíða 60

268
BARÁTTAN UM HEIMSYFIRRÁÐIN [Rjettur
Tölur þær, sem hjer hafa verið birtar, lýsa meiru
en langt mál. Þær birta þann óyggjandi sannleika, að
herbúnaðurinn vex hröðum skrefum, er kominn langt
fram yfir það, sem hann var fyrir morðárið mikla
1914. En tölur þessar segja þó ekki nema hálfan sann-
leikann. Herbúnaðurinn er í raun og veru miklu meiri
en tölurnar gefa til kynna. Það verður einnig að taka
tillit til framfara hernaðarlistarinnar. Vígvjelarnar
og hernaðartækin hafa verið endurbætt og fullkomnuð
til hins ýtrsta, eiturgös hafa verið búin til svo skæð,
að eiturgastegundir heimsófriðarins komast ekki í
hálfkvisti við þau. Eiturgös þau, sem vísindamenn
auðvaldsins finna nú upp, geta lagt miljónaborgir í
eyði á skammri stundu og skilja ekki eftir blaktandi
líf, þar sem þau fara yfir. Fluglistin hefir og tekið
furðulegum framförum, og flugvjelar munu án etfa
verða eitt hið skæðasta árásarvopn í styrjöldum fram-
tíðarinnar. Það má heita að hún hafi umbreytt allri
landfræðilegri afstöðu ríkjanna, enginn staður er það,
sem lengur er öruggur fyrir hinum skæðu drekum
loftsins. Stórveldastyrjaldir framtíðarinnar verða
háðar í lofti, á landi og sjó, með bakteríum, eiturgös-
um, vígvjelum og öllum þeim tækjum, sem mannkyn-
ið hefir í þjónustu sinni.
Styrjaldir nútímans eru slík blóðtaka, að taka verð-
ur allar greinar þjóðlífsins í þjónustu þeirra. Því meir
sem hernaðarlistinni fleygir fram, því stærri heri
þarf, því mannskæðari sem morðtólin verða, því meiri
mannafla þarf til að fylla upp í skörðin. Þessvegna
verður að vígbúa alla þjóðina, karla og konur, unga
og gamla, allir verða teknir í þjónustu hernaðarins.
Atvinnuvegirnir verða lagaðir í hernaðarþarfir, alt
þjóðlífið gert að einum hermannaskála. Vjer sjáum og
hjá öllum stórveldum nútímans, að ráðstafanir eru
gerðar í þessa átt. í flestum ríkjum hafa verið mynd-
aðar nýjar stofnanir, hin svonefndu »æðstu varnar-